पोखरा, १ साउन । प्रजातन्त्र सेनानी स्व. नारायणदत्त–दुर्गाकुमारी रानाभाट स्मृति कोषले क्यान्सर पीडित दिप्ती सापकोटालाई आर्थिक सहयोग गरेको छ ।
पोखरा–३१ मोहरियामा स्मृति कोषले एक कार्यक्रम गरि दिप्तीको बुवा देव बहादुर सापकोटालाई २५ हजार ५ सय ५५ रुपैयाँको चेक स्मृति कोषका अध्यक्ष देवेन्द्र रानाभाटले हस्तान्तरण गर्नुभयो ।
कार्यक्रममा बोल्दै अध्यक्ष रानाभाटले रक्त क्यान्सर पीडित दिप्ती सापकोटाको उपचारको लागि आफूले एउटा सानो सहयोग गरेको र आवश्यक परेको खण्डमा संस्थागत तथा व्यक्तिगत रुपमा थप सहयोग गर्दै जाने बताउनुभयो ।
पोखरा–२६ साँघुको मुखमा कार्यालय रहेको स्व.नारायणदत्त–दुर्गाकुमारी रानाभाट स्मृति कोषमा ६ लाख ६६ हजार ६ सय रुपैयाँ रहेको छ।
उक्त रकमको ब्याजबाट हरेक वर्ष १०+२ का उत्कृष्ट एक छात्र र एक छात्रालाई नगद, प्रमाण पत्र र दोसल्ला प्रदान गर्ने गरिएको छ भने दुर्गा कुमारी रानाभाटको क्यान्सरकै कारण निधन भएको हुँदा हरेक वर्ष एक जना क्यान्सर पीडितलाई २५ हजार पाँँच सय ५५ रुपैयाँ सहयोग गर्दै आइरहेको अध्यक्ष रानाभाटले जानकारी दिनुभयो ।
स्व.नारायणदत्त रानाभाटका चार छोरा र दुई जना छोरी छन्। जसमा पूर्व सभामुख तारानाथ रानाभाट, खिलेन्द्र रानाभाट, जिल्ला कार्यसमिति काँग्रेसका सचिव देवेन्द्र रानाभाट र शुभेन्द्र रानाभाट रहेका छन् भने छोरीहरुमा खेमकुमारी रानाभाट र शिवकुमारी सापकोटा रहेका छन्।
पारिवारीक आर्थिक अवस्था कमजोरका कारण असार १ गते देखि क्षेत्रीय अस्पतालको बच्चा वार्डमा उपचार गराईरहेकी बालिकाको उपचारमा समस्या आएको थियो।
दिप्तीलाई बचाउँनको लागि सहयोग गर्न भन्दै डा. रामचन्द्र बास्तोलाले आफ्नो सम्पर्कमा रहेका केही साथीहरुलाई म्यासेन्जर मार्फत र केही अनलाइनले समाचार प्रकाशन गरेपछि अभियान शुरु भएको थियो ।
Related News
सम्बन्धित समाचार
एसओएसमा विद्यार्थी परिषद् पदस्थापन
दोस्रो राष्ट्रिय संगीत अवार्ड समारोहमा पत्रकार रञ्जन अधिकारीलाई सम्मान गरिने
रेडियो बाराहीका प्रबन्ध निर्देशक पौडेललाई मातृशोक
हिल प्वाइन्ट मा.विमा अभिभावक दिवस
कास्कीमा अफ्रिकन स्वाइन फिभर रोगको संक्रमण बढ्दो
Archives
Archives