पोखरा, १ जेठ । एकता सामुदायिक क्लबले खेल मैदानको स्तरोन्नती गर्ने भएको छ ।

क्लबका अध्यक्ष गणेश बस्नेतको अध्यक्षतामा बसेको बैठकले भलिबल र ब्याटमिन्टन खेल मैदानको स्तरोन्नतीसँगै तारजाली गर्ने निर्णय गरेको छ ।

जसका लागि विजय कार्कीको संयोजकत्वमा पदम कार्की र मोहन रावल सदस्य रहेको समिति गठन गरिएको छ ।

बैठकले क्लबको सदस्यता वितरण र नविकरणका लागि लेख बहादुर खत्रीको संयोजकत्वमा समिति गठन गरेको छ । सो समितिको सदस्यहरुमा विवश नेपाली र सागर कार्की रहनुभएको छ ।

बैठकले असार १ गते अधिवेशन गर्ने पनि निर्णय गरेको छ ।