पोखरा, २३ भदौं । नेपाली काँग्रेस कास्कीले पोखरामा बिहीबार पाँच दलीय गठबन्धन बीच चियापान तथा भेटघाट कार्यक्रम गरेको छ ।
कार्यक्रममा बोल्दै नेपाली काँग्रेस कास्कीका सभापति किशोरदत्त बरालले इमान्दापूर्वक एकता कायम गरी गठबन्धनका उद्देश्यहरुलाई सफल पार्नुपर्ने बताउनुभयो ।
उपलब्धी प्राप्तिका लागि गठबन्धनका दलहरु बीच निरन्तर संवाद, छलफल जारी राख्नुपर्ने भन्दै उहाँले कास्की काँग्रेसले जिल्लास्तरमा सुरुवात गरेको उल्लेख गर्नुभयो ।
पोखरा चिप्लेढुङ्गास्थित नेपाली काँग्रेस कास्कीको प्राङ्गणमा आयोजित कार्यक्रममा नेपाली काँग्रेसहित नेकपा माओवादी केन्द्र, नेकपा (एकीकृत समाजवादी), नेपाल समाजवादी पार्टी र राष्ट्रिय जनमोर्चाका कास्कीमा रहेका केन्द्रीय र जिल्लास्तरका नेताको सहभागिता रहेको थियो ।
कास्कीमा पाँच दलीय गठबन्धनका नेता बीच परिचय, छलफल र निर्वाचनको वातावरण निर्माण गर्ने उद्देश्यले कार्यक्रम आयोजना जानकारी कास्की काँग्रेसका सह सचिव नवीन सिग्देलले जानकारी दिनुभयो ।
कार्यक्रम कास्की काँग्रेसका सचिव भानु ढकालले संचालन गर्नुभएको थियो ।
यसैबीच, नेपाली काँग्रेसले शुरु गरेको‘ ‘जनताको साथमा काँग्रेस’ अभियानको पहिलो चरणको कार्यक्रम भोली समापन गरिदैछ । भोली वीपी जयन्तीसँगै समापनको अवसरमा कास्की जिल्लाभर विविधि कार्यक्रम गरिने कास्की काँग्रेसले जनाएको छ ।
Related News
सम्बन्धित समाचार
एसओएसमा विद्यार्थी परिषद् पदस्थापन
दोस्रो राष्ट्रिय संगीत अवार्ड समारोहमा पत्रकार रञ्जन अधिकारीलाई सम्मान गरिने
रेडियो बाराहीका प्रबन्ध निर्देशक पौडेललाई मातृशोक
हिल प्वाइन्ट मा.विमा अभिभावक दिवस
कास्कीमा अफ्रिकन स्वाइन फिभर रोगको संक्रमण बढ्दो
Archives
Archives