पोखरा, २६ माघ । सीप विकास तालिम केन्द्र पोखराले चालु आर्थिक वर्षको माघसम्ममा तीन सय बढीलाई सीपमूलक तालिम दिएको छ ।
केन्द्रले बेरोजगार, एकल महिला, युवा, वैदेशिक रोजगारीबाट फर्केका, गरिब तथा विपन्नलाई लक्षित गरी गण्डकी प्रदेशका सात जिल्लामा विभिन्न तालिमहरु संचालन गर्दै आएको छ ।
केन्द्रले १५ दिनदेखि तीन महिना अवधीका तालिमहरु संचालन गर्दै आएको केन्द्र प्रमुख प्रभु सिग्देलले जानकारी दिनुभयो । उहाँका अनुसार, यसै आर्थिक वर्ष भित्र थप पाँच सय बढीलाई तालिम दिने तयारी भैरहेको छ ।
केन्द्रले व्यूटीपार्लर, अधारभूत सिलाइकटाइ, मोवाइल मर्मत, सैलुन, मोटरसाइकल मर्मत, कुक, प्लम्बिङ, विद्युत जडान र मन्टेश्वरी, कृषी हलो मर्मत लगायतका ११ प्रकारका तालिम संचालन गर्ने गर्दछ ।
‘तालिमप्रतिको आकर्षण बढ्दो छ, केन्द्र प्रमुख सिग्देलले भन्नुभयो, तालिम पश्चात केही स्वरोजगार र केही व्यवसाय संचालन गर्न सक्ने भएका छन्।
यसैबीच, पछिल्लो पटक आयोजना गरिएको मोबाइल मर्मत तालिम सम्पन्न भएको छ । तालिममा २० जनाको सहभागिता रहेको थियो । सहभागी मध्य धन बहादुर गुरुङ उत्कृष्ट हुनुभएको छ ।
केन्द्र प्रमुख प्रभु सिग्देलको अध्यक्षतामा भएको कार्यक्रममा कार्यक्रम अधिकृत रामप्रसाद पौडेल, प्रशिक्षक सुवाष लामिछाने, कार्यालय सहायक कृष्ण थापा, प्रशिक्षार्थीहरु सरोज नेपालीले बोल्नुभएको थियो ।
Related News
सम्बन्धित समाचार
ठकुरी बस्तीमा निःशुल्क आँखा शिविर
एकता सामुदायिक क्लबले खेल मैदानको स्तरोन्नती गर्ने
हेमजामा सर्प संरक्षण सम्वन्धि सचेतनामूलक कार्यक्रम
राष्ट्रिय माविको हीरक महोत्सव
गण्डकी प्रज्ञा–प्रतिष्ठानले सात जना श्रष्टालाई सम्मान अर्पण गर्दै
Archives
Archives