पोखरा, १५ भदौ । पोखरा महानगरपालिकाले नियम मिचेर एक जना अ.स.ई प्रहरीलाई एकाएक स.ई.मा बढुवा गरेकोप्रति आपत्ती जनाइएको छ ।
नेपाली काँग्रेस पोखरा महानगरपालिका दलको नेता तथा सचेतक रामराज लामिछानेले विज्ञप्ति प्रकाशित गरी त्यस्तो गतिविधिप्रति आपत्ती जनाउनु भएको हो ।
नगर प्रहरीमा स.ई. पद प्रतिस्पर्धा बिना बढुवा गर्न नमिल्ने, पदपूर्ति समितिको सिफारिस नगरेको र करार गर्ने उमेर हद समेत नाघेकालाई बढुवा गरिएको भन्दै आपत्ती जनाइएको छ ।
नगर प्रमुख सिकिस्त बिरामी भै काठमाण्डौं उपचारमा रहेको बेला प्रचलित प्रशासनीक मूल्यमान्यता, विधिपद्वति विपरीत शंकास्पद आर्थिक प्रलोभनमा परी बढुवा गरिएको उल्लेख गरिएको छ ।
विज्ञप्तिमा बरिष्ठ कानुन अधिकृतको सल्लाहमा प्रमुख प्रशासकीय अधिकृतबाट अ.स.ई कर्मचारीलाई नेपाल सरकारले स.ईले पाउने सुविधा, सामाजिक सुरक्षा कोष रकमबाट अन्य सुविधा दिइने गरी गरिएको बढुवा खारेज गर्न माग गरिएको छ ।
विज्ञप्तिमा पोखरा महानगरपालिका कर्मचारी सेवा विधेयक – २०७८ अनुसार कार्यालयमा कार्यरत कर्मचारीहरुको मनोबल उच्च हुने काम तत्काल गर्न माग गरिएको छ ।
विगत लामो समयदेखि कार्यरत अस्थायी कर्मचारीको स्थायित्व र नेपाल सरकारले कर्मचारी समायोजन गर्दा मर्कामा परेका योग्यता पुगेका तथा चार वर्ष अवधि पुगेका स्थायी कर्मचारीलाई एक तह स्वतः समायोजन गर्न माग गरिएको छ ।
Related News
सम्बन्धित समाचार
गण्डकी प्रज्ञा–प्रतिष्ठानले सात जना श्रष्टालाई सम्मान अर्पण गर्दै
साईबर अपराध सम्वन्धी सचेतनामूलक कार्यक्रम
स्व. रविन्द्रको जन्मजयन्तीमा रक्तदान र परिसंवाद
विश्व प्रसिद्ध ह्विट्ली पुरस्कार पोखराका संरक्षणकर्मी आचार्यलाई
विष्णुपादुकामा लागूपदार्थ दुव्र्यसनविरुद्धको सचेतना
Archives
Archives