पोखरा । कास्कीको माछापुच्छ्रे गाउँपालिका वडा नं. १ स्थित माछापुच्छ्रे स्वास्थ्य चौकीमा निःशुल्क आँखा शिविर सञ्चालन भएको छ । माछापुच्छ्रे गाउँपालिका, कास्कीको आयोजना श्री देवीरवण–कृष्णकुमारी स्मृति प्रतिष्ठानको संयोजन तथा व्यवस्थापनमा उक्त शिविर सञ्चालन भएको हो ।

हिमालय आँखा हस्पिटल र आई केयर फाउन्डेसनको सहयोगमा भएको उक्त शिविर माछापुच्छ्रे गाउँपालिकाका सबै वडामा सञ्चालन हुने छ । बिहीबार भएको शिविरमा १ सय ८१ जनाले आँखा जाँच गराएका थिए । ती मध्ये २३ जनालाई मोतियाबिन्दुको शल्यक्रिया गर्नुपर्ने देखिएको घाचोक स्वास्थ्य चौकीका प्रमुख गोविन्द प्रसाद आचार्यले जानकारी दिए ।

शिविरमा आँखा परीक्षण गर्न आउने बिरामीका लागि निःशुल्क औषधिको व्यवस्था प्रतिष्ठानले गरेको छ भने मोतियाबिन्दुको शल्यक्रिया निःशुल्क रूपमा हिमालय आँखा अस्पतालले गर्ने भएको छ । बिरामीलाई अस्पताल सम्म जाने आउने बसको व्यवस्था पालिकाले गर्ने भएको छ । पालिकाका सबै वडामा शिविर सम्पन्न गरेपछि शल्यक्रिया गर्नु पर्ने बिरामीलाई अस्पतालमा नै लगेर शल्यक्रिया गरिने व्यवस्था गरिएको गरिएको श्री देवीरवण–कृष्णकुमारी स्मृति प्रतिष्ठानका अध्यक्ष डा. अनिल सुवेदीले जानकारी दिए ।

बुधबार माछापुच्छ्रे गाउँपालिकाको वडा नं. २ स्थित सार्दीखोला स्वास्थ्य चौकीबाट शुरु भएको यो शिविर पालिका सवै वडामा सञ्चालन हुनेछ । ४ गते घाचोक स्वास्थ्य चौकी, ६ गते वडा नं. ५ को रिभान स्वास्थ्य चौकी, ७ गते वडा नं. ९ को  सिधिई सामुदायिक स्वास्थ्य इकाई, ८ गते वडा नं. ८ को आधारभूत स्वास्थ्य चौकी, ९ गते वडा नं.६ को मणिडाँडा सामुदायिक स्वास्थ्य इकाई, १० गते वडा नं. ७ को धम्पुस सामुदायिक स्वास्थ्य इकाई र ११ गते  वडा नं. ४ लाहाचोक स्वास्थ्य चौकीमा विहान १० बजे देखि बेलुका ४ः३० बजे सम्म शिविर सञ्चालन हुने छ ।

उक्त शिविरमा हिमालय आँखा अस्पतालका दृष्टि विशेषज्ञ समीक्षा श्रेष्ठ, शैलेश्वरी ओझा, निकिता महर, कृतिका पण्डितका टोलीले आँखा जाँच गरेका थिए । कार्यक्रममा माछापुच्छ्रे स्वास्थ्य चौकी प्रमुख जमुना पौडेल काफ्ले, सि.अ.न.मी. संगिता गुरुङ, सि.अ.न.मी. तारा गुरुङ, अ.न.मी. सुमित्रा बराल, स.अ.हे.व.नविनचन्द्र आचार्य, का.स. विनिता पुन र महिला स्वयम्सेवीकाले सहयोग गरेका थिए ।

माछापुच्छ्रे गाउँपालिकाका वडा नं. १ का वडा अध्यक्ष इन्द्र गुरुङले शिविरबाट यस क्षेत्रका नागरिकले प्रत्यक्ष लाभ लिने बताउँदै आगामी दिनमा पनि समन्वय गर्न वडा कार्यालय तयार रहेको उल्लेख गरे ।

श्री देवीरवण–कृष्णकुमारी स्मृति प्रतिष्ठानका अध्यक्ष डा. अनिल सुवेदीले विगत ४ वर्ष देखि दुर्गम क्षेत्रमा नागरिकलाई स्वास्थ्यमा पहुँच पु¥याउनका लागि आँखा शिविर सँगै विभिन्न खालका स्वास्थ्य शिविर सञ्चालन गर्दै आएको बताए । प्रतिष्ठानले महिला समाजसेवी, शिक्षा क्षेत्रमा काम गरेका व्यक्ति तथा गरिब विद्यार्थीलाई छात्रवृत्ति प्रदान गर्दै आएको छ ।