पोखराका सर्जक घनश्यामलाई विन्ध्यवासिनी म्युजिक अवार्ड

राष्ट्र न्यूज सम्वाददाता
वैशाख २४, २०८०
ghanashyam

पोखरा, २४ वैशाख । पोखराका सर्जक घनश्याम रिजालले विन्ध्यवासिनी म्युजिक अवार्ड पाउनु भएको छ ।

काठमाडौंमा आयोजित एक सांगीतिक समारोहमा उहाँलाई विन्ध्यवासिनी म्युजिक अवार्ड बाट पुरस्कृत गरिएको हो ।

रिजालले सर्वोत्कृष्ट लोक दोहोरी गीतको अवार्ड हात पार्नुभयो । उहाँले सिर्जना गरेको “शुन्य भयो डाँडैको चौर” सर्वोत्कृष्ट भएको हो । जसमा लोकदोहोरी गायक रामजी खाँण र गायिका अन्जु पन्तको आवाज रहेको छ ।

पोखरामा रहेर संघर्षरत रहे पनि नेपाली संगीत क्षेत्रमा भने उहाँको योगदान अतुलनीय छ । खासगरी नेपाली लोकगीत क्षेत्रमा उहाँले सिर्जना गरेका गीतहरुलाई रुचाइएको छ ।

प्रेमिल भावका गीत सँगै उहाँले सामाजिक यथार्थपरक विषयवस्तुमा आधारित गीत पनि सिर्जना गर्नुहुन्छ । घर शुन्य भो, बाख्रा पालम्ला उहाँका सामाजिक यथार्थपरक गीत हुन् ।

यस बाहेक अमिलो रसैले, सरसर, तिम्रो पछ्यौरी९रत्यौली०, ओई माया, ढल्के बरको छायाँले, बम्बैको साडी, हुन हुनि थियो र मलाई, प्यार प्यार, डालीमा बसेको चरी, जन्मघर माइतैमा, डाली रित्तै भो जस्ता गीत चर्चामा छन् ।

Related News

सम्बन्धित समाचार

Archives

Archives