पोखरा, २६ वैशाख । नेपाली काँग्रेस कास्कीले सरकारलाई आवश्यक परेमा पोखरा ४ स्थित चिप्लेढुङ्गा र पोखरा ३० स्थित खुदीमा रहेको पार्टी कार्यालय कोरोना संक्रमितका लागि आइशोलेशन वार्ड बनाउन दिने भएको छ ।
कोरोना महामारीले संकट निम्त्याएका बेला संक्रमतिको उपचारमा सहज पु¥याउने उद्देश्यले पार्टी कार्यालयलाई आइशोलेशन वार्ड बनाउन दिने निर्णय गरेको कास्की काँग्रेसका प्रवक्ता नवीन सिग्देलले जानकारी दिनुभयो ।
नेपाली काँग्रेस कास्कीले आइतबार कार्यसमिति र पार्टीका जिल्ला नेताहरुसँग आयोजना गरेको जुम बैठकले संक्रमितलाई अस्पतालसम्म पुग्न कठिनाइ हुने गरेको र महंगो रकम तिर्नुपर्ने अवस्था रहेकाले पार्टीले जेठ १ गतेदेखि एम्बुलेन्स संचालन गर्ने निर्णय गरेको छ ।
कास्की काँग्रेसका सभापति कृष्ण केसीको अध्यक्षतामा बसेको बैठकले संकटका बेला कोरोनाविरुद्वको भ्याक्सिन खरिदमा समेत सरकार कमिशनको खेलमा लाग्नु निन्दनीय भएको भन्दै खेद प्रकट गरेको छ ।
महामारीका बेला सरकारको कमिशनको खेलले आमनागरिकलाई निराश बनाएको भन्दै कास्की काँग्रेसले गम्भीर ध्यानाकर्षण भएको जनाएको छ । बैठकले कमिशनको विषय तत्काल छानविन गरि दोषीलाई कारवाही गर्न माग गरेको छ ।
बैठकले कसैको घरमा अक्सिजन सिलिण्डर खाली रहेको भए अस्पताल र प्रशासनलाई बुझाएर सहयोग गर्न सबैमा अनुरोध गरेको छ ।
त्यस्तै, बैठकले कोरोना संक्रमितको शिघ्र स्वास्थ्यलाभको कामना गर्दै कोरोना संक्रमणका कारण दिवंगत हुनुभएकाको आत्माको चिरशान्तिको कामनाका साथ शोकसन्तप्त परिवारजनमा हार्दिक समवेदना व्यक्त गरको छ ।
Related News
सम्बन्धित समाचार
पोखरा १३ मा सामाजिक सुरक्षा भत्ता लिन आउनेलाई निशुल्क स्वास्थ्य परीक्षण
अपाङ्गमैत्री कानून निर्माणको मस्यौदा प्रदेश सरकारलाई हस्तान्तरण
पोखरा महानगरपालिका शिक्षा महाशाखाद्वारा तीन सय ९४ विद्यार्थीलाई छात्रवृत्ति
परिवार नियोजन संघको ४३ औं वार्षिक शाखा सभा
स्वास्थ्य क्षेत्रलाई मजबुत बनाउन गण्डकी सरकार क्रियाशील ः मन्त्री थापा
Archives
Archives