पोखरा, ६ वैशाख । कोरोनाको त्रास जारी नै छ । फेरि लकडाउन हुने हो कि भनेर सारा नेपालीलाई पिरोलिरहेको छ । कोरोनाको सबैभन्दा ठूलो असर नेपालको पर्यटन क्षेत्रमा पर्न गयो । पोखरापनि त्यसको असरबाट अछुतो रहेन । यहाँका पर्यटन व्यवसायीहरुलाई पनि यसको नकारात्क असरले ठूलो प्रभाव पा¥यो । यसको असरबाट व्यवसायीहरुलाई ताजगी दिलाउनका लागि पोखरा ध्यान योग कार्यक्रम सम्पन्न भएको छ ।
पोखरा पर्यटन परिषद्को आयोजना तथा योगशालाको आयोजनामा कोभिडका कारण पर्यटन व्यवसायीमा पर्न गएको तनाव व्यवस्थापनका लागि उक्त योग शिविर आयोजना गरिएको हो ।
बेगनास शिवायल योग रिसोर्टमा शनिवार आयोजित उक्त योग शिविरमा सहभागीहरुले तनावबाट मुक्त ध्यान, योग निन्द्रा, हठ योग, ध्यान तथा उत्सव गरे । योग प्रशिक्षक स्वामी ध्यान सागर ( सुनिल श्रेष्ठ)ले कार्यक्रममा सहजिकरण गर्नु भएको थियो ।
तीन घण्टाको सो कार्यक्रममा पोखरा पर्यटन परिषद्मा अवद्ध विभिन्न पर्यटन सम्बद्ध संघसंस्थाहरुका ३० जनाले भाग लिनु भएको थियो । सामाजिक दुरी कायम गर्दैै गरिएको सो शिविरमा सहभागिहरु यस्ता कार्यक्रमहरुलाई निरन्तरता दिन सकिए विभिन्न प्रकारका तनावबाट मुक्त हुन सकिने प्रतिक्रिया दिनुभयो ।
‘कोरोनाका कारण पर्यटन व्यवसायीहरुमा ठूलो असर पर्न गएको छ, यसबाट केहि भएपनि सहजता प्राप्तीका लागि यो कार्यक्रमको आयोजना गरिएको हो, यसलाई व्यवसायीहरुले सकारात्मक लिएका छन । आगामी दिनहरुमा पनि यस्तो कार्यक्रमलाई निरन्तरता दिनुपर्नेमा व्यवसायीहरुले जोड दिएका छन्’–पोखरा पर्यटन परिषद्का अध्यक्ष गोपीबहादुर भट्टराईले भन्नुभयो ।
पर्यटन यातायात व्यवसायी संघका अध्यक्ष बबरजंग गुरुङ्गले कार्यक्रको संयोजन गरेका थिए ।
Related News
सम्बन्धित समाचार
पोखरा १३ मा सामाजिक सुरक्षा भत्ता लिन आउनेलाई निशुल्क स्वास्थ्य परीक्षण
अपाङ्गमैत्री कानून निर्माणको मस्यौदा प्रदेश सरकारलाई हस्तान्तरण
पोखरा महानगरपालिका शिक्षा महाशाखाद्वारा तीन सय ९४ विद्यार्थीलाई छात्रवृत्ति
परिवार नियोजन संघको ४३ औं वार्षिक शाखा सभा
स्वास्थ्य क्षेत्रलाई मजबुत बनाउन गण्डकी सरकार क्रियाशील ः मन्त्री थापा
Archives
Archives