पोखरा, २ जेठ । गैह्रापाटनमा रहेको पोखरा थिएटरको गन्र्धव नाटकघरमा जेठ ३ गते बिहिबारबाट नाटक ‘बितेका कुरा’ मञ्चन हुँदैछ ।
पोखरा थिएटरको दोस्रो प्रस्तुतीको रुपमा यो नाटक मञ्चन हुन लागेको हो । पोखरा थिएटरको पहिलो प्रस्तुतीमा नाटक सिरुमारानी मञ्चन भएको थियो । पहिलो नाटकमा जस्तै दर्शकको माया पाउने थिएटरको अपेक्षा छ ।
नाटकमा पुराना रंगकर्मी प्रकट पंगेनी शिव सहित दिलप्रसाद गुरुङ, धुर्व पौडेल, बबिता मल्ल ठकुरी, प्रसुना भण्डारी, सम्झना सिर्पाली, शरद भण्डारी, सुर्य सुवेदी, रोशन ज्ञवाली, सौरभ तिमिल्सिना, सिम्रन पौडेलले अभिनय गर्दैछन् । एक घण्टा लामो नाटक जेठ १९ गतेसम्म मञ्चन हुनेछ ।
सोमबार बाहेक हरेक दिन साँझ ५ बजे नाटक मञ्चन हुनेछ । शनिबार दिउँसो १ बजे अतिरिक्त सो समेत हुनेछ ।
रुपनारायण सिँहले लेखेको यो नाटक पोखरा थिएटरका अध्यक्ष परिवर्तन कार्कीले निर्देशन गर्दैछन् ।
नाटकको परिकल्पना समेत कार्कीले गरेका हुन् । नाटक हेर्न सर्वसाधरणका लागि तीन सय तथा पाँच सय रुपैयाँको टिकट काट्नुपर्नेहुन्छ । विद्यार्थीको हकमा भने एक सय रुपैयाँको टिकट काट्नुपर्ने हुन्छ ।
Related News
सम्बन्धित समाचार
अहिलेसम्मको ठूलो नगरा !
१०१ वर्षीय साहित्यकार किञ्जल्कको अभिनन्दन गरिने
पोखरामा प्रेस युनियनका केन्द्रीय सदस्य पराजुलीको कथा सङ्ग्रह कुमाताको विमर्श(कथाका बारेमा पराजुली यसो भन्छन् भिडियोसहित)
मौनता भङ्ग गर्ने कविता सङग्रह “चुल्ठो”
ललितकुमार हेलकुमारी बाटाजु संगीत पुरस्कार गायक बानियाँलाई