एनसिसि कोरिया स्थापना गर्दाको क्षण पोखरामा यसरी सम्झियो

राष्ट्र न्यूज सम्वाददाता
माघ ११, २०७४
ncc pok

निकुञ्ज तिवारी
पोखरा, ११ माघ। २५ वर्ष अगाडि नेपालीका लागि नेपाली भन्दै दक्षिण कोरियामा स्थापना गरिएको नेपाली सम्पर्क समिति (एनसिसि)  स्थापना गर्दाको क्षण पोखरामा सम्झिएको छ ।

नेपाली सम्पर्क समिति (एनसिसि) कोरियाको सबैभन्दा पुरानो संस्था हो । स्थापनाकालीन २२ सदस्यमध्य ५ जना पोखरेली रहेका र उनीहरुको उपस्थितिमा पोखरामा एक कार्यक्रम गरी सुरुका दिनमा कोरियामा राजदुतावास नहुँदाका पीडा र नेपालीले पाएको दुखका कारण एनसिसिको स्थापना गरिएको बताएका थिए ।

स्थापनाकालीन सदस्य निरज थापाले कोरियाले चरम विकासमा फड्को मार्न सुरु गर ेलगत्तै केही नेपालीहरु विभिन्न माध्ययमबाट दक्षिण कोरिया गएका र उनीहरुले त्यहाँ पाएको दुख, पीडा र भोगाइ आदनप्रदान गर्ने हेतुले एनसिसिको जन्म भएको बताए ।
उनले एनसिसिको स्थापना भएपछि कोरियामा ज्यान गुमाएका कास्की सिक्लेसका चन्द्रसिंह गुरुङका एक अपाङ्ग छोरालाई विभिन्न संस्थासंग हातेमालो गर्दै आर्थिक सहयोग गर्दै आएको र उनलाई सहयोग गर्न अनुरोध गरे ।

त्यस्तै अर्का सदस्य शिवजी कोइरालाले स्थापनाका केहि साथीहरु मिलेर पोखरामा केहि योजना संचालन गरेको जानकारी दिदैं कोरियामा आर्जन गरेको ज्ञान, सीप र अर्थलाई आफ्नै देशमा लगानी गर्न सके नेपाल नै कोरिया हुने विचार राखे । कोरियाबाट फर्केर नेपालमा राम्रो प्रगती गरेका केहि उदाहरण प्रस्तुत गरेका थिए ।

 अर्का सदस्य कृष्णप्रसाद अधिकारीले कोरियामा सुरुका दिनमा पाएको कष्ट र दुखको सम्झना गर्दै कोरियामा आर्जन गरेको ज्ञान, सीप र अर्थलाई आफ्नै गाउँठाउँमा लगानी गर्नुपर्नेमा जोड दिए ।

कोरियाबाट फर्केर पोखरामा विश्वमैत्रि भाषा स्कुल संचालन गरेका यम जोशी र सिएम गुरुङ, बाराही टिसर्टका संचालक विजय साही, डिभिलेज रेष्टुरेण्टका संचालक कृष्ण पौडेल, पत्रकार निकुञ्ज तिवारी, तिलक थापा, लक्ष्मण क्षेत्री, देबीन्द्र पुन, सावित्रि गुरुङ पुन, उमाकान्त पराजुली, शक्तिमान गुरुङलगायतले कोरियाका अनुभव आदानप्रदान गरेका थिए ।

त्यस्तै, स्थापनाकालिन सदस्यमध्यका एक हाल अमेरिकामा रहेका भुपेन्द्र गिरीले फोनबाट एनसिसिलाई शुभकामना दिएका थिए ।

उक्त भेलाले आगामी दिनमा कोरियाबाट फर्केकाहरुको भेला आयोजना गर्ने र केही विकास र सामाजिक कार्यमा हातेमालो गर्ने निर्णय गरेको छ।

Related News

सम्बन्धित समाचार

  • मन्त्रालय नपाएसम्म मुख्यमन्त्रीलाई सघाउँछुः डोवाटे

    राष्ट्र न्यूज सम्वाददाता कार्तिक ५, २०७८
    पोखरा, ५ कात्तिक । गण्डकी प्रदेशका विना विभागीय मन्त्री डोवाटे विश्वकर्माले मन्त्रालयको जिम्मेवारी नपाएसम्म मुख्यमन्त्रीलाई सघाउने बताउनु भएको छ ।…
  • मुख्यमन्त्री पोखरेल मन्त्रालयको अनुगमनमा

    राष्ट्र न्यूज सम्वाददाता कार्तिक ५, २०७८
    पोखरा, ४ कात्तिक । गण्डकी प्रदेशका मुख्यमन्त्री कृष्णचन्द्र नेपाली पोखरेलले बिहीबार प्रदेशका मन्त्रालयहरुको स्थलगत अनुगमन गर्नुभएको छ । पोखरेल नेतृत्वमा…
  • मध्यपहाडी राजमार्ग : ९५ प्रतिशत काम सकियो

    रासस असाेज २७, २०७८
    कृष्ण दवाडी कास्की, २७ असोज (रासस) ः राष्ट्रिय गौरवको निर्माणाधीन मध्यपहाडी(पुष्पलाल) राजमार्गको कास्की पश्चिम खण्डअन्तर्गत पोखरा महानगरपालिका–२५ याम्दीदेखि घट्टेखोलासम्मको निर्माण…
  • एन प्याव्सन कास्कीको साधारण सभा

    राष्ट्र न्यूज सम्वाददाता असाेज २६, २०७८
    पोखरा, २६ असोज । एन प्याव्सन कास्कीको वार्षिक साधारण सभा सम्पन्न भएको छ । कार्यक्रममा बोल्दै प्रमुख अतिथि एन प्याव्सनका…
  • पोखराका व्यस्त चोकमा ‘हाइमास्ट लाइट’ जडान हुँदै

    रासस असाेज २६, २०७८
    कास्की, २६ असोज (रासस) । भौगोलिक रुपमा देशकै ठूलो पोखरा महानगरपालिकाका सडकका मुख्य र व्यस्त चोकमा स्मार्ट सडक बत्ती र…