एचआइभी तथा लागु औषध नियन्त्रण कार्यक्रमको दिगो व्यवस्थापनका लागि पहल

राष्ट्र न्यूज सम्वाददाता
माघ १, २०७४
DSC00494

पोखरा, १ माघ। पश्चिम क्षेत्र एचआइभी एड्स सञ्जालले एचआइभी तथा लागु औषध नियन्त्रणका लागि संचालित कार्यक्रमको दिगो व्यवस्थापनका लागि पहल थालेको छ।

दातृ निकायको सहयोग सकिएपछि संचालित कार्यक्रमहरुलाई अलपत्र पर्न नदिन त्यस्तो पहल थालिएको हो। पहल स्वरुप सञ्जालले पोखरामा एचआइभी र लागु औषध नियन्त्रणका लागि कार्यरत संघसंस्था र सरोकारवालवीच छलफल गरेको छ। छलफलमा सरकारी तथा गैरसरकारी संस्थाका २५ जना सहभागि थिए।

छलफलले स्थानीय सरकारसँग समन्वय गरी दिगो व्यवस्थापनका लागि एक समिति गठन गर्ने निर्णय गरेको सञ्जालका अध्यक्ष विश्वमोहन गौचनले जानकारी दिए। पोखरामा एचआइभी नियन्त्रणका लागि डेढ दर्जन बढि संघ संस्थाले काम गरिरहेका छन्।

पोखरामा कति एचआइभी संक्रमित छन् भन्ने एकिन नभएपनि झण्डै एक हजार पाँच सय संक्रमित रहेको अनुमान गरिएको छ। पोखरामा हाल ६ सयभन्दा बढि संक्रमितले पश्चिमाञ्चल क्षेत्रीय अस्पतालबाट नियमित निःशुल्क रुपमा एन्टि रेट्रो भाइरल(जीवन लम्ब्याउने औषधी)सेवन गरिरहेका छन्।

त्यस्तै, कास्कीमा हाल तीन हजार दुई सय जनाले सुईबाट लागु औषध सेवन गरिरहेको र सात हजारभन्दा बढि लागु औषध प्रयोगकर्ता रहेको कम्युनिटी सपोर्ट ग्रुपका टिम लिडर नवीन तुलाचनले जानकारी दिए।

कार्यक्रममा  जिल्ला प्रहरी कार्यालय कास्कीका प्रहरी नायव उपरीक्षक खड्कबहादुर खत्रीले एचआइभी र लागु औषध नियन्त्रणका लागि सवै मिलेर लाग्नुपर्नेमा जोड दिए। उनले लागु औषध नियन्त्रणका लागि जिल्ला प्रहरी कार्यालयले महाअभियान नै संचालन गरिरहेको बताए।

पोखरा लेखनाथ महानगरपालिकाका स्वास्थ्य विभाग संयोजक हेमन्त शर्मा पौडेलले महानगरपालिकाले स्वास्थ्य क्षेत्रलाई प्राथमिकतामा राखेर काम गरिरहेको बताए।

पश्चिमाञ्चल क्षेत्रीय अस्पतालका डा. राजन शर्माले लागु औषधको बारेमा एउटै धारणा बनाउन जरुरी भएको औल्याए।

त्यसअवसरमा जिल्ला जनस्वास्थ्य कार्यालय कास्कीका एकनारायण लम्साल, प्रहरी निरीक्षक रविन्द्र गुरुङ, बाल तथा महिला शशक्तिकरण समाज नेपालका अध्यक्ष रजनी कोइराला, आदर्श समाज दैनिकका कार्यकारी सम्पादक नवीन सिग्देल, एचआइभी एड्स संक्रमितहरुको राष्ट्रिय सञ्जाल कास्कीका संयोजक कुसुम बानु आलम, रिकभरिङ नेपाल कास्कीका अध्यक्ष शिव न्यौपाने, लागु औषध नियन्त्रण तथा समाज सुधार आमा समूहका अध्यक्ष विष्णु गुरुङले बोलेका थिए।

पश्चिम क्षेत्र एचआइभी एड्स सञ्जालका अध्यक्ष विश्वमोहन गौचनको अध्यक्षतामा भएको कार्यक्रमको संचालन सचिव दिलिप गुरुङले गरेका थिए।

सो कार्यक्रममा कम्युनिटी सपोर्ट ग्रुपद्वारा संचालित सुई तथा सिरिन्ज साटासाट कार्यक्रमका अधिकृत स्मिता पौेडेल र सुस्मिता पौडेलले तीन महिनाको प्रगती प्रतिवेदन पेश गरेका थिए।

Related News

सम्बन्धित समाचार

  • मध्यपहाडी राजमार्ग : ९५ प्रतिशत काम सकियो

    रासस असाेज २७, २०७८
    कृष्ण दवाडी कास्की, २७ असोज (रासस) ः राष्ट्रिय गौरवको निर्माणाधीन मध्यपहाडी(पुष्पलाल) राजमार्गको कास्की पश्चिम खण्डअन्तर्गत पोखरा महानगरपालिका–२५ याम्दीदेखि घट्टेखोलासम्मको निर्माण…
  • एन प्याव्सन कास्कीको साधारण सभा

    राष्ट्र न्यूज सम्वाददाता असाेज २६, २०७८
    पोखरा, २६ असोज । एन प्याव्सन कास्कीको वार्षिक साधारण सभा सम्पन्न भएको छ । कार्यक्रममा बोल्दै प्रमुख अतिथि एन प्याव्सनका…
  • पोखराका व्यस्त चोकमा ‘हाइमास्ट लाइट’ जडान हुँदै

    रासस असाेज २६, २०७८
    कास्की, २६ असोज (रासस) । भौगोलिक रुपमा देशकै ठूलो पोखरा महानगरपालिकाका सडकका मुख्य र व्यस्त चोकमा स्मार्ट सडक बत्ती र…
  • महानगरद्वारा खसी बजार अनुगमन

    रासस असाेज २५, २०७८
    कास्की, २५ असोज (रासस) । पोखरा महानगरपालिकाले बजार अनुगमन सुरु गरेको छ । बजारमा दसैँको किनमेल गर्नेको भीड बढेको र…
  • अत्याधुनिक सेवा सहित केशर मेडिस्पा चौथो वर्षमा

    राष्ट्र न्यूज सम्वाददाता असाेज २२, २०७८
    पोखरा, २२ असोज । पोखरा महानगरपालिका वडा नं. ५ पस्र्याङस्थित केशर मेडिस्पाले आफ्नो स्थापनाको चौथो वार्षिकोत्सव मनाएको छ । संस्थाका…