पोखरा, १९ साउन । नेपाल स्वास्थ्यकर्मी संघ गण्डकीले स्वास्थ्य सेवा र स्वास्थ्यकर्मीका समस्या समाधान गर्न माग गर्दै ३ बुँदे गोरखा घोषणापत्र जारी गरेको छ ।
संघका केन्द्रीय अध्यक्ष रामजी घिमिरेको उपस्थितिमा गोरखामा बसेको बैठकले घोषणापत्र जारी गरेको हो ।
घोषणापत्रमा जनताको स्वास्थ्यमा खेलवाड नहुने र स्वास्थ्यकर्मीको मनोबलमा असर नपुग्ने गरी समायोजन गर्न, तहगत रुपमा समायोजन गरी यथाशक्य छिटो दरवन्दी सृजना गरी समायोजनको सूची निकाल्न माग गरिएको छ ।
त्यस्तै, श्रम ऐन २०७४ अनुसार करारमा कर्मचारी भर्ना गर्दा स्थानीय तह र प्रदेश सरकारले कानून विपरीत कम तलबमा करार सम्झौता गरेकाले त्यसलाई सच्याउन पनि माग गरेको छ ।
संघले माग पूरा नगरे जस्तो सुकै आन्दोलनका कार्यक्रम घोषणा गर्न बाध्य हुने चेतावनी समेत दिएको छ ।
बैठकले बाढीपहिरोका कारण धनजनमा पुगेको क्षतिप्रति दुःख व्यक्त गर्दै मृतकका परिवारजनमा समवेदना व्यक्त गरेको छ ।
बैठक नेपाल स्वास्थ्यकर्मी संघ गण्डकीका अध्यक्ष नारायण बरालको अध्यक्षतामा बसेको थियो ।
Related News
सम्बन्धित समाचार
हेमजामा मादल बजाउने तालिम
स्व. लक्ष्मीसुन्दरी कर्माचार्यको स्मृतिमा सहयोग कोष
भविष्य निर्माण माविको बस संचालनका लागि अक्षयकोषमा सहयोग जुट्दै
एन प्याव्सनको बाल प्रतिभा पहिचान महोत्सव सकियो
कम्प्युटर र नेतृत्व विकास तालिम
Archives
Archives