पोखरा, ४ मंसिर । लायन्स क्लब अफ पोखरा सेन्ट्रल गार्डनले क्लबको वार्षिक कार्यक्रम पढाऔं अभियान अन्तर्गत १२ कक्षासम्मका विद्यार्थीका लागि सञ्चालित कम्प्युटर र नेतृत्व विकास तालिम सकिएको छ ।
९० घण्टे आधारभूत कम्प्युटर र तीन हप्ते उद्घोषण, भाषण तथा नेतृत्व विकास तालिममा २१ जना विद्यार्थी सहभागी हुनुहुन्थ्यो ।
तालिम समापन समारोहमा क्लबका संस्थापक अध्यक्ष हरि भाटले सन् २०१७ देखि क्लबले पढाऔं अभियान अन्तर्गत हरेक वर्ष सामुदायिक विद्यालय अध्ययनरत भाइबहिनीलाई तालिम सञ्चालनार्थ वार्षिक एक लाख ५० हजार बजेट विनियोजना गर्दै आएको बताउनुभयो ।
क्लबका अध्यक्ष तुल रानाभाटले तालिम सञ्चालनका लागि गण्डकी हाइ–टेकसँग सहकार्य गर्न पाउनु क्लबका लागि सुनौलो अवसर रहेको उल्लेख गर्नुभयो ।
गण्डकी हाइ–टेक व्यवहारिक सीप विकास तालिम केन्द्रकी प्रशिक्षक विद्यादेवी बरालले पोखराको बगरमा रहेकोमा केन्द्रमा विगत १६ वर्षदेखि क्रियाशील प्रशिक्षकद्वारा प्रशिक्षण गराइँदै आएको जानकारी दिनुभयो ।
नेतृत्व विकास तालिममा सहभागी भुपेन्द्र गुरुङले आफू पहिला अगाडि गएर बोल्दा जिउ काम्ने, आँखा हेरेर बोल्न नसक्ने समस्या रहेकोमा तालिम पाएर आफूलाई निकै खुसी लागेको बताउनुभयो ।
कम्प्युटर तालिममा सहभागी समीर घिमिरेले क्लबले विद्यार्थीका लागि निःशुल्क तालिम सञ्चालन गरेर राम्रो काम गरेको बताउनुभयो । कार्यक्रममा नुमा गुरुङ, शुशांक बास्तोला, निराजन तामाङ, अमृत थापालगायतले अनुभव सुनाउनुभएको थियो ।
Related News
सम्बन्धित समाचार
विष्णुपादुकामा लागूपदार्थ दुव्र्यसनविरुद्धको सचेतना
हेमजामा मादल बजाउने तालिम
स्व. लक्ष्मीसुन्दरी कर्माचार्यको स्मृतिमा सहयोग कोष
भविष्य निर्माण माविको बस संचालनका लागि अक्षयकोषमा सहयोग जुट्दै
एन प्याव्सनको बाल प्रतिभा पहिचान महोत्सव सकियो
Archives
Archives