पोखरा, २७ जेठ । नेपाल पशु स्वास्थ्य सेवा प्राविधिक संघ(नेल्टा)ले विविध कार्यक्रम गरी आठ औं स्थापना दिवस मनाएको छ ।
प्रदेश, जिल्ला र पालिकास्तरमा शुक्रवार विभिन्न रचनात्मक क्रियाकलाप गरी स्थापना दिवस मनाइएको संघका महासचिव सुुरेश श्रेष्ठले जानकारी दिनुभयो ।
नेल्टा गण्डकी र कास्की कार्यसमितिले संयुक्त रुपमा कास्कीको माछापुच्छ«े गाउँपालिका वडा नं ४ लाहाचोकमा कार्यक्रम गरी स्थापना दिवस मनाएको छ ।
त्यस अवसरमा पछिल्लो समय कास्कीमा पालिएका पशुहरुमा देखिएको लम्पी स्किन रोग बारे सचेतना र गाई÷भैंसीका लागि निःशुल्क औंषधी वितरण गरिएको थियो ।
गण्डकी प्रदेशका कृषि तथा भूमि व्यवस्था मन्त्री महेन्द्रध्वज जिसीले कृषक शोभा तिमिल्सिनालाई औषधी हस्तान्तरण गरी कार्यक्रम उद्घाटन गर्नुभएको थियो ।
कार्यक्रममा मन्त्री जिसीले कृषि अनुदान वास्तविक किसान समक्ष पुग्नुपर्नेमा जोड दिनुभयो । उहाँले सरकारले अब उत्पादनको आधारमा अनुदान दिने तयारी गरेको जानकारी दिनुभयो ।
कृषि तथा भूमि व्यवस्था मन्त्रालयका सचिव सहदेव हुमागाईले देशको समृद्विको लागि आयात घटाउने र निर्यात बढाउने गरी काम गर्नुपर्ने आवश्यकता औल्याउनुभयो ।
नेल्टाका महासचिव सुरेश श्रेष्ठले किसानलाई छिटोछरितो गुणस्तरीय सेवा प्रदानमा नेल्टाले ध्यान दिदै आएको बताउनुभयो ।
त्यस अवसरमा नेपाली काँग्रेस कास्कीका सहसचिव नवीन सिग्देल, माछापुच्छ«े गाउँपालिका प्रमुख मिन बहादुर गुरुङ, उपप्रमुख सीता अधिकारी, पशु चिकित्सक शम्भुराज पाण्डे, प्रकाशराज अधिकारी, प्रतिभा सहकारी संस्थाकी व्यवस्थापक गोमा अधिकारी लगायतले बोल्नुभएको थियो ।
नेल्टा गण्डकीका अध्यक्ष सहदेव पौडेलको अध्यक्षतामा भएको कार्यक्रममा कास्कीका अध्यक्ष बसन्त कोइरालाले स्वागत र केन्द्रीय सदस्य डिल्ली रेग्मीले संचालन गर्नुभएको थियो ।
Related News
सम्बन्धित समाचार
ठकुरी बस्तीमा निःशुल्क आँखा शिविर
साईबर अपराध सम्वन्धी सचेतनामूलक कार्यक्रम
पोखराका केहीस्थानमा टेलिफोन सेवा अवरुद्व हुने
वण्डरल्याण्ड र सान्दीपन प्रि–स्कूलमा दिक्षान्त समारोह
नेशनल क्रियशनमा शैक्षिक पुरस्कार वितरण
Archives
Archives