पोखरा, ८ वैशाख । पोखराको युनाइटेड क्लबले उपल्लो मुस्ताङको छोसेर गाँउमा पुगी आफ्नो १३ औं वार्षिकोत्सव मनाएको छ ।
गुफै गुफाको गाँउले परिचित उपल्लो मुस्ताङको लोमान्थाङ गाँउपालिका वडा नम्बर २ मा रहेको छोसेर गाँउमा पुगेर क्लबले वार्षिकोत्सव मनाएको हो ।
कार्यक्रममा प्रमुख अतिथि लोमान्थाङ गाँउपालिका वडा नम्बर २ का अध्यक्ष कर्मा नामग्याल गुरुङले पर्यटन र सामाजिक क्षेत्रमा काम गर्दै आएको क्लबले पर्यटन प्रवद्र्धन गर्ने उद्देश्यले छोसेरमा आएर आफ्नो वार्षिकोत्सव मनाएकोमा खुशी व्यक्त गर्नुभयो ।
युनाइटेड क्लबका संस्थापक अध्यक्ष हिमालय बख्रेल र सह सचिव सन्तोष सिग्देलले क्लबले उद्देश्य अनुसार गतविधि संचालन गरिरहेको उल्लेख गर्नुभयो ।
कार्यक्रममा क्लबका कोषाध्यक्ष तथा एघारौं पोखरा महोत्सवको अर्थ ब्यवस्थापन उपसमिति संयोजक सूर्य बहादुर बानियाँले एघारौं पोखरा महोत्सवबाट १४ लाख ८२ हजार ६ सय ९९ रुपैैयाँ बचत भएको जानकारी दिनुभयो ।
क्लबका अध्यक्ष राजु श्रेष्ठको अध्यक्षतामा भएको कार्यक्रममा महासचिव दिनेश सुनार, पूर्व अध्यक्ष सुकबहादुर गुरुङ, वरिष्ठ उपाध्यक्ष लोक बहादुर थापा र प्रथम उपाध्यक्ष गणेश तिमिल्सिनाले बोल्नुभएको थियो ।
Related News
सम्बन्धित समाचार
मादी गाउँपालिकामा फागुन १ गते देखि हुने सोँथर बेँसी टारी बजार मेलाको तयारी पुरा, मेलामा गोरु जुधाइँ प्रतियोगिता
विश्व सिमसार दिवसको अवसरमा फेवा किनारमा संरक्षण फोटो प्रदर्शनी
एकतावद्ध भएमा बहुमत प्राप्त पार्टी बनाउन सकिन्छ – सभापति देउवा
विकृति विसंगति न्यूनिकरण गर्न सामुदायिक सेवा केन्द्रको विकल्प छैन– महानिरीक्षक कुँवर
प्रेस चौतारी पत्रकारिता पुरस्कार ईन्द्र पौडेललाई, गणेशमान गुरूङलाई सम्मान