पोखरा, १६ भदौं । पोखरा – १८ सराङकोट आयोजित तीज मेला – २०७९ सकिएको छ ।
अन्नपूर्ण सामुदायिक विकास मञ्चले ‘लोक कला संस्कृतिको संरक्षण र पर्यटन प्रवद्र्वनमा हाम्रो अभियान’ भन्ने मूल नाराका साथ मेला आयोजना गरेको हो। ।
अन्नपूर्ण सामुदायिक मञ्चको प्राङ्गणमा भदौ १२ देखि १४ गतेसम्म चलेको मेला करिब चार हजार दर्शकले सहभागिता जनाएको बताइएको छ ।
‘मेला सम्पन्न गर्न सबैबाट साथ र सहयोग पाउँदा खुशी र उत्साहित छौं, मेला आयोजक समितिका संयोजक एवं मञ्चका अध्यक्ष महेश कुमार तिमिल्सिनाले भन्नुभयो – अर्काे वर्ष पनि मेलालाई निरन्तरता दिन्छौं ।’
मेलाको आकर्षणमा खुला तीज गित प्रतियोगिता, गृहिणी नृत्य प्रतियोगिता, ठेलो हान्ने प्रतियोगिता र घैंटो फुटाई प्रतियोगिता रहेको थियो ।
तीज गित प्रतियोगितामा सफल उद्यमी महिला समूह पोखरा – २५ प्रथम, प्रगतिशील आमा समूह पोखरा – २४ द्वितीय र कमल जैसी आमा समूह पोखरा – २५ तृृतीय भएका छन् । गृहिणी नृत्यतर्फ पवित्रा तिमिल्सिना त्रिपाठी पोखरा – २४ प्रथम र मैया अधिकारी पोखरा – ५ द्वितीय हुनुभएको छ ।
मेला समापनमा बोल्दै नेपाली काँग्रेस गण्डकी प्रदेश सभापति शुक्रराज शर्माले मौलिक संस्कृति र परम्पराहरु देशको सम्पत्ति भएको उल्लेख गर्नुभयो ।
कार्यक्रम मञ्चका अध्यक्ष महेश कुमार तिमिल्सिनाको अध्यक्षतामा भएको थियो ।
Related News
सम्बन्धित समाचार
हेमजामा मादल बजाउने तालिम
स्व. लक्ष्मीसुन्दरी कर्माचार्यको स्मृतिमा सहयोग कोष
भविष्य निर्माण माविको बस संचालनका लागि अक्षयकोषमा सहयोग जुट्दै
एन प्याव्सनको बाल प्रतिभा पहिचान महोत्सव सकियो
कम्प्युटर र नेतृत्व विकास तालिम
Archives
Archives