पोखरा, १८ असार । धादिङ–पोखरा सम्पर्क समाजद्वारा पोखरामा आयोजित १९ औं रक्तदानमा १३३ युनिट रगत संकलन भएको छ ।
समाजको स्थापना दिवसका अवसरमा आयोजित रक्तदान यस अघि ४३ औं पटकसम्म रक्तदान गर्नुभएका कृष्ण धरेललाई विशिष्ट अतिथि जिल्ला ट्राफिक कार्यलय कास्कीका प्रमुख प्रकाश शाहले ब्लडब्याग हस्तान्तरण गरी शुभारम्भ गर्नुभएको थियो । रक्तदान जीवनदान भएको बताउँदै उहाँले समाजको भूमिकाको प्रशंसा गर्नुभयो ।
समाजले सामाजिक उत्तरदायित्व अन्तर्गत विभिन्न कामहरू गर्दै आएको बताउँदै समाजका अध्यक्ष गोकर्ण लम्सालले २०५५ सालमा दर्ता भई कृयाशिल संस्थाले त्यसयता विभिन्न समाजिक गतिविधिलाई निरन्तरता दिदै आइरहेको जानकारी गराउनुभयो ।
समाजका महासचिव सरस्वती श्रेष्ठ(सरु)ले सञ्चालन गर्नुभएको कार्यक्रममा समाजका निवर्तमान अध्यक्ष कृष्णबहादुर लम्साल, पूर्व अध्यक्षहरू नवराज दुवाडी, कृष्णकुमार श्रेष्ठ, युवराज खतिवडा लगायतले रक्तदानको महत्वका साथै समाजका गतिविधिबारे प्रकाश पार्नुभएको थियो ।
Related News
सम्बन्धित समाचार
हेमजामा मादल बजाउने तालिम
स्व. लक्ष्मीसुन्दरी कर्माचार्यको स्मृतिमा सहयोग कोष
भविष्य निर्माण माविको बस संचालनका लागि अक्षयकोषमा सहयोग जुट्दै
एन प्याव्सनको बाल प्रतिभा पहिचान महोत्सव सकियो
कम्प्युटर र नेतृत्व विकास तालिम
Archives
Archives