पोखरा, १० भदौ । उर्जा, जलस्रोत तथा खानेपानी मन्त्री हरिशरण आचार्यले बिहीबार पोखरा १३ र १४ का विभिन्न स्थानको निरीक्षण गरी त्यहाँका समस्या बारे जानकारी लिनुभएको छ ।
उहाँले पोखरा १३ को काँहुखोला बाढी प्रभावित क्षेत्र र पोखरा १४ चाउथे पुगेर खानेपानी समस्या बारे जानकारी लिनुभएको हो ।
मन्त्री आचार्यलाई पोखरा १३ का वडा अध्यक्ष दर्शन लामा, काँहुखोला बाढी नियन्त्रण सरोकार उपभोक्ता समितिका अध्यक्ष माधव प्रसाद सिग्देल र स्थानीय क्षेत्र बहादुर कार्कीले काँहुखोलाको बाढीले खेतीयोग्य जमिन र मानव बस्तीमा पु¥याएको क्षति बारे जानकारी दिनुभएको थियो । साउन ३२ मा काँहुखोलामा आएको बाढीले क्षति पु¥याएको थियो ।
निरीक्षणपछि मन्त्री आचार्यले काँहुखोलाको बाढीबाट उत्पन्न समस्या समाधानका लागि संघ, प्रदेश र स्थानीय सरकारबीच समन्वय आवश्यक रहेको बताउनुभयो ।
कुनै एउटा सरकारबाट सम्भव नहुने भन्दै तीन वटा सरकार मिलेर सामूहिक प्रयास आवश्यक रहेको उहाँको भनाइ थियो ।
‘समाधानका लागि करोडले पुग्दैन, अरबौ रकम आवश्यक देखिन्छ उहाँले भन्नुभयो, सबै पक्षसँग बैठक र समन्वय गरी समाधानका लागि प्रयास थाल्नेछु।’
जलस्रोत, सिंचाई विकास डिभिजन कार्यालय पोखराका प्रमुख किरण आचार्यले समस्या समाधानका लागि उपाय बारे अध्ययन शुरु गर्ने बताउनुभयो ।
Related News
सम्बन्धित समाचार
हेमजामा मादल बजाउने तालिम
स्व. लक्ष्मीसुन्दरी कर्माचार्यको स्मृतिमा सहयोग कोष
भविष्य निर्माण माविको बस संचालनका लागि अक्षयकोषमा सहयोग जुट्दै
एन प्याव्सनको बाल प्रतिभा पहिचान महोत्सव सकियो
कम्प्युटर र नेतृत्व विकास तालिम
Archives
Archives