महासंघ प्रदेश समिति अध्यक्ष शर्मालाई पितृशोक

राष्ट्र न्यूज सम्वाददाता
जेठ २, २०७८
buwa

पोखरा, २ जेठ । नेपाल पत्रकार महासंघ गण्डकी प्रदेश समितिका अध्यक्ष नारायण शर्मालाई पितृशोक परेको छ ।

शर्माका पिता गंगाधर शर्मा चापागाईको ९० वर्षको उमेरमा शनिबार दिउँसो आफ्नै निवास नवलपुरको कावसाती ९ मा निधन भएको हो । स्वर्गीय शर्मा लामो समय देखि दमको रोगी थिए । स्वर्गीय शर्माका श्रीमती, दुई छोरा र चार छोरी छन् ।

यसैबीच नेपाल पत्रकार महासंघ गण्डकी प्रदेश समितिले शोक विज्ञप्ति जारी गर्दै स्वर्गीय शर्माप्रति भावपूर्ण श्रद्धाञ्जली अर्पण गरेको छ ।

‘अध्यक्ष नारायण शर्माको पूज्यनीय पिता गंगाधर शर्मा चापागाईको निधनको खबरले नेपाल महासंघ गण्डकी प्रदेश समिति मर्मात र स्तब्ध भएको छ ।

यस दुखद् घडीमा महासंघ प्रदेश समिति स्वर्गीय बुबाको आत्माको चीरशान्तिको कामना गर्दै अध्यक्ष शर्मा सहित परिवारजनमा हार्दिक समवेदना व्यक्त गर्दछ ।’ महासचिव गोविन्द सुवेदी द्धारा जारी शोक विज्ञप्तिमा उल्लेख गरिएको छ ।

Related News

सम्बन्धित समाचार