पोखरा, २७ वैशाख। पोखरा २५ हेमजावासीले कोरोनाको संक्रमण नियन्त्रणका लागि सक्रिय भएका छन् ।

उनीहरुले जुममार्फत् भेला गरी वडा कार्यालयलाई कोरोनो नियन्त्रणका लागि सहयोग र समन्वय गर्नका लागि समिति गठन गरेका छन् ।

जागरण अभियान नेपाल हेमजा र राष्ट्रिय परोपकार महासंघ हेमजाको पहलमा गरिएको भेलामा स्थानीय संघसंसथा, बुद्विजीवी र सामाजिक अभियन्ताको सहभागिता रहेको थियो।

भेलाले कोरोना नियन्त्रण र समन्वयको काम अघि बढाउन युवा समाजसेवी मोतिराज तिम्सिनाको संयोजकत्वमा समिति गठन गरेको छ ।

भेलाले वडाभित्रको हालसम्मको संक्रमणको अवस्था र नियन्त्रण, आवश्यक पर्ने आइसोलेसन सेन्टर, निषेधाज्ञा उल्लंघन नियन्त्रण, आवश्यक औषधी र सामाग्रीका बारेमा वडा कार्यालयको ध्यानाकर्षण गराएको छ ।