पोखरा, २५ वैशाख । लोक गायक श्याम अधिकारीले पर्यटकीय गाउँ धम्पुसको विषयसँग सम्वन्धित धम्पुस गाउँ सालैजो गीत बजारमा ल्याउनुभएको छ ।

गीतमा वरिष्ठ लोकदोहोरी गायिका शर्मिला गुरुङले स्वरमा साथ दिनुभएको छ । अधिकारीले यस अघि पनि थुप्रै लोकदोहारी गित ल्याइसक्नु भएको छ । उहाँले यस अघि मेरै धम्पुस गाउँ गीत ल्याउनुभएको थियो ।

अहिले ल्याएको सालैजो गीतले पनि देश विदेशमा रहेका नेपालीबाट माया पाउँने उहाँको विश्वास छ । धम्पुसको प्रचारका लागि गीत उपयोगी हुने उहाँको भनाइ छ ।