पोखरा–४ का अध्यक्ष बास्तोलालाई पोखरा बहुमुखी क्याम्पसको आजिवन सदस्यता

Avatar राष्ट्र न्यूज सम्वाददाता
वैशाख ९, २०७८
shankar banstola

पोखरा, ९ वैशाख । पोखरा बहुमुखी क्याम्पसले पोखरा महानगरपालिका वडा नं. ४ का वडा अध्यक्ष शंकर प्रसाद बास्तोलालाई आजिवन सदस्यताको प्रमाण–पत्र प्रदान गरेको छ ।

पोखरा महानगरपालिका वडा नं.९ नयाँबजार स्थित उक्त क्याम्पसको समग्र विकासमा योगदान पु¥याएको भन्दै क्याम्पसले अध्यक्ष बास्तोलालाई सम्मान गरेको हो । बुधबार वडा नम्बर चारको कार्यालयमा पुगेर अध्यक्षको कार्यकक्षमा नै क्याम्पसले बास्तोलालाई आजिवन सदस्यताको प्रमाण पत्र प्रदान गरेको थियो ।

क्याम्पस संचालक समितिका अध्यक्ष नरेन्द्रमान लालचनले उपाध्यक्ष भिम गौतम, क्याम्पस भवन निर्माण समितिका संयोजक शंकर देवकोटा, क्याम्पस प्रमुख सिशुकला पराजुली, बद्री श्रेष्ठ र महेन्द्र रिमाल लगायतको उपस्थितिमा सम्मान पत्र प्रदान गरिएको हो ।

सदस्यता सम्मान पत्र प्रदान गर्दै लालचनले क्याम्पसका हरेक गतिविधिहरुमा सहभागी भई निस्वार्थ सेवा गरेका क्याम्पसका एक असल अभिभावकका रुपमा चित्रण गर्नुभयो ।

साविक पश्चिमाञ्चलको पहिलो सामुदायीक क्याम्पसको पहिचान बोकेको पोखरा बहुमुखी क्याम्पसले आफुलाई सम्मान स्वरुप आजिवन सदस्यता प्रदान गरेकामा अध्यक्ष बास्तोलाले खुसी व्यक्त गर्नुभयो ।

Related News

सम्बन्धित समाचार