पोखरा, १४ चैत । नेपाल आदिवासी जनजाति संघ कास्कीले आज शनिवार पोखरामा गर्न लागेको शुभकामना आदानप्रदान, नयाँ वर्ष २०७८ को क्यालेण्डर विमोचन र सम्मान कार्यक्रम स्थगित भएको छ ।

नेपाली काँग्रेसका केन्द्रीय सदस्य नविन्द्रराज जोशीको निधनप्रति दुःख व्यक्त गर्दै कार्यक्रम स्थगित गरिएको संघका अध्यक्ष आश बहादुर गुरुङले जानकारी दिए ।

सो कार्यक्रमका लागि नेपाली काँग्रेसका सहमहामन्त्री प्रकाशशरण महत पोखरा आउने कार्यक्रम थियो ।

कार्यक्रमको मिति पछि तय गरिने छ ।