पोखरा, ४ चैत । नेपाल पशु सेवा स्वास्थ्य प्राविधिक संघ (नेल्टा) गण्डकी को चैत ६ गते शुक्रबार पोखरामा हुने दोस्रो भेला तथा अधिवेशनको तयारी अन्तिम चरणमा पुगेको छ ।

कार्यक्रमको प्रचारप्रसार र व्यवस्थापकीय तयारीलाई तीव्र पारिएको छ ।नेपाली काँग्रेसका केन्द्रीय सदस्य गगनकुमार थापाले भेलाको उद्घाटन गर्ने कार्यक्रम तय भएको नेल्टा महासचिव सुरेश श्रेष्ठले जानकारी दिए ।

भेलामा गण्डकी प्रदेशका ११ जिल्लाका ३ सय जना सहभागी हुने छन् । त्यस अवसरमा नेल्टाको विकास र विस्तार, उत्कृष्ट कृषक गरी २२ जनालाई सम्मान गरिने छ ।

भेलामा नेल्टाका गतिविधिका समीक्षा गनुको साथै भावि कार्ययोजना समेत तयार गरिने छ । साथै आगामी चार वर्षका लागि नयाँ कार्यसमिति चयन गर्ने छ ।

यसअघि ११ बजे तय गरिएको कार्यक्रम प्राविधिक कारणले गर्दा बिहान ८ बजेदेखि हुने भएका नेल्टा गण्डकी प्रदेश अध्यक्ष सहदेव पौडेलले जानकारी दिए ।