पोखरा, ८ फागुन । नेकपा केपी शर्मा ओली समूहले आज विराटनगरमा प्रदर्शन गर्दै छ ।

प्रदर्शनपछिको आमसभालाई सम्बोधन गर्न प्रधानमन्त्री केपी शर्मा ओली विराटनगर जाने कार्यक्रम छ ।प्रधानमन्त्री ओली आउने भएपछि त्यहाँ सुरक्षा व्यवस्था कडा पारिएको छ।

सम्बोधनका लागि गृहमन्त्री रामबहादुर थापा र नेता सुवासचन्द्र नेम्वाङलगायतका नेता पनि विराटनगर पुग्ने बताइएको छ । १ नम्बर प्रदेश स्तरीय आमसभाका लागि प्रदेशका विभिन्न जिल्लाहरुबाट समेत ठूलो संख्यामा कार्यकर्ता उतार्ने तयारी छ ।

संसद विघटनपछि नेकपाको ओली समूह र पुष्पकमल दाहाल–माधव नेपाल समूहले दिनहुँ जसो प्रदर्शनलाई जारी राखेका छन् ।