कास्की काँग्रेसमा भूपू सैनिक, सरकारसँग आक्रोश

राष्ट्र न्यूज सम्वाददाता
मंसिर ९, २०७७
kaski congress

पोखरा, ९ मंसिर । सरकारले ज्येष्ठ नागरिकलाई दिदै आएको भत्ता भूपू सैनिकलाई नदिइ कटौती गरी अन्याय गरेको भन्दै कास्कीका भूपू सैनिकहरुले आन्दोलन गर्ने चेतावनी दिएका छन् ।

नेपाल भूपू सैनिक संघ कास्कीको पहलमा पोखराको चिप्लेढुङ्गास्थित नेपाली काँग्रेस कास्कीको पार्टी कार्यालयमा भेला भएका भूपू सैनिकहरुले त्यस्तो चेतावनी दिएका हुन् ।

कास्की काँग्रेसका सभापति कृष्ण केसी समेत उपस्थित भेलामा भूपू सैनिकहरुले सरकारले आफूहरुमाथि गरेको अपमान र अन्याय विरुद्व साथ दिन आग्रह गरेको कास्की काँग्रेसका प्रवत्ता नवीन सिग्देलले जानकारी दिए ।

सरकारले चालु आर्थिक वर्षको साउनदेखि ज्येष्ठ नागरिक भारतीय र बिट्रिस भूपू सैनिकलाई भत्ता कटौती गरेको थियो ।
भेलामा कास्की काँग्रेसका सभापति कृष्ण केसीले राज्य सबै नागरिकका लागि बराबर बन्नुपर्ने बताए ।

नेपाल भूपू सैनिक संघका केन्द्रीय सल्लाहकार झुमबहादुर गुरुङले सरकारले निर्णय नसच्याए ९५ वर्षका भूपू आमरण अनसन बस्ने चेतावनी दिए ।

अर्का सल्लाहकार हेमप्रसाद गुरुङले सरकारले भत्ता कटौती गरी ज्येष्ठ नागरिकको अपमान गरेको उल्ल्ेख गरे ।

नेपाल भूपू सैनिक संघ कास्कीका अध्यक्ष खम्बासिंह गुरुङले सरकारको निर्णय विरुद्व सबै भूपू सैनिक एक भएर अघि बढ्नुपर्नेमा जोड दिए ।

भूपू सैनिक दिलीप गुरुङले भत्ता कटौतीको निर्णय भूपू सैनिकमाथिको ठूलो अन्याय भएको बताए ।

Related News

सम्बन्धित समाचार

  • सिग्देललाई मातृ शोक

    राष्ट्र न्यूज सम्वाददाता भाद्र ३०, २०७८
    पोखरा, ३० भदौ । पूर्व कर्मचारी सेवा परिषद् कास्कीका पूर्व अध्यक्ष कृष्णकान्त सिग्देललाई मातृ शोक परेको छ । उहाँकी ममतामयी…
  • उपसभापतिमा अधिकारीको उम्मेद्वारी

    राष्ट्र न्यूज सम्वाददाता भाद्र २५, २०७८
    पोखरा, २५ भदौ । पोखरा महानगरपालिका वडा नं ३३ बागमाराका कृष्ण प्रसाद अधिकारीले उपसभापति पदमा आफ्नो उम्मेद्वारी घोषणा गर्नुभएको छ…
  • खम्बाबाट खसेर निखिलको मृत्यु

    रासस भाद्र १९, २०७८
    ओखलढुङ्गा, १९ भदौ (रासस) । विद्युत्को खम्बाबाट खसेर एक युवकको ज्यान गएको छ । आज दिउँसो सोलु करिडोर प्रसारण लाइनको…
  • कम हुँदै सङ्क्रमण

    रासस भाद्र १३, २०७८
    काठमाडौँ, १३ भदौ (रासस) :पछिल्लो २४ घण्टामा कोरोना भाइरस सङ्क्रमण कम भएको छ । यस अवधिमा एक हजार ३८८ जनामा…
  • मकै जोगाउन रातमा जाग्राम

    रासस भाद्र १३, २०७८
    डोटी, १३ भदौ (रासस) । जिल्लामा जङ्ली जनावरले मकै खाएर नोक्सान गर्न थालेपछि किसान चिन्तित बन्न थालेका छन् । थन्क्याउने…