स्थानीय तह कर्मचारी युनियन नेपाल पोखरा महानगरपालिकाद्वारा सुझाव सहित सात बुँदे माग पेश

राष्ट्र न्यूज सम्वाददाता
असाेज २१, २०७७
Amir bhandari

पोखरा, २१ असोज । स्थानीय तह कर्मचारी युनियन नेपाल, पोखरा महानगरपालिका इकाइ समितिले विभिन्न सुझाव सहित सात बुँदे माग पेश गरेको छ ।

इकाइ समितिका अध्यक्ष इ.अमिर भण्डारीले पोखरा महानगरपालिका प्रमुख प्रशासकीय अधिकृत महेश बराललाई सुझाव सहितको माग पेश गरेका थिए ।

युनियनले महानगरबासीको हित तथा महानगरपालिकाका सम्पूर्ण कर्मचारीको वृत्ति विकास र पोखरा महानगरको नीति निर्माण तथा कार्यन्वयनमा मुख्य भूमिका खेलिआएको र वर्तमान परिस्थितिको विश्लेषण गर्दै सुझाव तथा माग पेश गरिएको अध्यक्ष भण्डारीको भनाइ छ ।

सम्पूर्ण अस्थायी, करार, ज्यालादारी कर्मचारीहरुलाई सम्मान सहित सेवामा निरन्तरता एवंम् स्थायित्वको लागि यथोचित व्यवस्थापन गर्न, स्वेच्छिक एवंम् अनिवार्य अवकाश प्राप्त कर्मचारीहरुले पाउने बिदा, उपचार खर्च लगायत अन्य सुविधाहरु सेवा निवृत्त पश्चात तुरुन्त उपलब्ध गर्न र स्वेच्छिक अवकाश लिन चाहने कर्मचारीलाई विशेष प्याकेज व्यवस्था गर्न माग गरिएको छ ।

नेपालको संविधान २०७२ , स्थानीय सरकार संचालन ऐन २०७४ ले व्यवस्था गरे बमोजिम कर्मचारीको विभेदपूर्ण तरीकाले भएको समायोजनका सन्दर्भमा उपयुक्त नियम बनाई तत्काल कर्मचारीको समकक्षता निर्धारण,समायोजन र पदस्थापना गर्न, सम्पूर्ण कर्मचारीको वृत्ति विकास र बढुवाको सुनिश्चितता गर्न माग गरिएको छ ।

कर्मचारी हेरफेर गर्दा कर्मचारीहरूको मनोबल खस्कने किसिमले जिम्मेवारी हेरफेर गरिएको र आस्थाका आधारमा कर्मचारीलाई हत्तोत्साही बनाउने काम भएकाले कर्मचारीहरूको मनोबल उच्च बनाउने र आन्तरीक सरूवा ब्यवस्थित गर्न घरपायक सहितको सरूवा मापदण्ड स्वीकृत गरि लागू गर्न माग गरिएको छ ।

जथाभावी कर्मचारी भित्र्याउँदा महानगरमा चालु खर्च बढ्दा पूँजीगत खर्च घट्न गई विकाश निर्माणमा समेत दीर्घकालिन नकारात्मक असर परेको भन्दै त्यस्तो कार्य तत्काल बन्द गर्न, शाखा महाशाखाको जिम्मेवारी बिना भेदभाव सेवा समूह, श्रेणी, तह, योग्यता र जेष्ठताका आधारमा तय गरी कर्मचारीहरुले पाउने विभिन्न सेवा सुविधा, यातायात तथा इन्धन सुविधा प्रयोगमा स्पष्ट मापदण्ड बनाउन माग गरिएको छ ।

कर्मचारीहरुको मासिक तलब भत्ता पनि नियमित नभएको र नगरपालिकातर्फबाट दिइएको प्रोत्साहन भत्ता र महंगी भत्ता रकम समेत कटौती भएको सन्दर्भमा खाइपाई आएको तलब भत्ता नघटाउन र राजश्व अनियमितता सम्बन्धमा सत्य तथ्य निश्पक्ष छानविन गरि दोषी उपर कानुन अनुसार कारबाही गरी आम नगरबासीलाई जानकारी दिन माग गरिएको छ ।

Related News

सम्बन्धित समाचार

  • मिथिलाका शक्ति पीठहरूमा खोँइछ भर्ने तथा प्रसाद चढाउनेको भीड

    रासस असाेज २७, २०७८
    धनुषा, २७ असोज (रासस)। जनकपुरधामको शक्ति पीठहरुमा खोँइछ भर्ने तथा लड्डु चढाउने भक्तजनको भीड लागेको छ । राजा जनकको कुलदेवीका…
  • बस दुर्घटना

    रासस असाेज २६, २०७८
    डडेल्धुरा, २६ असोज (रासस) :धनगढीबाट बाजुरा जाँदै गरेको ना७ख १७४ नंको बस केआईसिंह राजमार्गअन्तर्गत अमरगढी नगरपालिका–१० राईबजार राईबजार नजिकै दुर्घटना…
  • घान्द्रुक जाँदै गरेको जीप दुर्घटना

    रासस असाेज २५, २०७८
    कास्की, २५ असोज (रासस) । पोखराबाट जिल्लाको पर्यटकीय गाउँ अन्नपूर्ण गाउँपालिका–११ घान्द्रुक जाँदै गरेको जीप आज अपराह्न दुर्घटना भएको छ…
  • तनावपछि कफ्र्यु

    रासस असाेज २४, २०७८
    रुपन्देही २४ असोज (रासस) । प्रहरी र सुकुम्बासीका नाममा जग्गा कब्जा गर्ने समूहबीचको झडपपछि रुपन्देहीको मोतिपुरमा उत्पन्न परिस्थितिलाई नियन्त्रणमा लिन…
  • कांग्रेसले यस वर्ष कोजाग्रत पूर्णिमामा चियापान नगर्ने

    रासस असाेज २१, २०७८
    काठमाडौँ, २१ असोज (रासस) । नेपाली कांग्रेसले हरेक वर्ष कोजाग्रत पूर्णिमाका दिन आयोजना गर्दै आएको चियापान समारोह यसपटक नगर्ने भएको…