प्रेस युनियन कास्की ३ वटा पुरस्कार वितरण गर्दै, प्रतिभा छनोट समिति गठन

राष्ट्र न्यूज सम्वाददाता
असाेज १७, २०७७
Press union logo

पोखरा, १७ असोज । नेपाल प्रेस युनियन कास्कीद्वारा संचालित विभिन्न पुरस्कारमध्ये तीन पुरस्कार वितरणका लागि प्रतिभा छनोट समिति गठन गरिएको छ ।

युनियन कास्की अध्यक्ष नवीन सिग्देलको अध्यक्षतामा बसेको बैठकले ‘सूप्रेम शारदा पत्रकारिता पुरस्कार’ , ‘नेपाल प्रेस युनियन राष्ट्रिय पत्रकारिता पुरस्कार’ र ‘शान्ति पत्रकारिता पुरस्कार’ का लागि समिति गठन गरेको हो ।

‘सूप्रेम शारदा पत्रकारिता पुरस्कार’ को लागि युनियन सल्लाहकार एवं पत्रकार महासंघका पूर्व केन्द्रीय सदस्य रवीन्द्र बास्तोलाको संयोजकत्वमा प्रतिभा छनोट समिति गठन गरिएको छ । समिति सदस्यमा वीरेन्द्र केसी, किरण केसी, पदेनसदस्यमा अध्यक्ष नवीन सिग्देल र सचिव प्रदीप पौडेल छन् ।

नेपाली काँग्रेसका आमन्त्रित केन्द्रिय सदस्य तथा संघीय सांसद सूर्यबहादुर केसीले आफ्नी बहिनी शारदा केसी रोकाहाको स्मृतिमा केसी परिवारले सो पुरस्कार स्थापना गरेका हुन् । पुरस्कार राशि ५१ हजार रहेको छ । केसीले पुरस्कारको लागि अक्षयकोष स्थापनामा यसअघि ६ लाख रुपैयाँ युनियनलाई प्रदान गरेका थिए । सो पुरस्कार पहिलो पटक प्रदान गरिन लागिएको हो ।

यसैगरी, ‘नेपाल पे्रस युनियन राष्ट्रिय पत्रकारिता पुरस्कार’ को लागि नेपाल प्रेस युनियनका पूर्व केन्द्रीय उपाध्यक्ष एवं जिल्ला सल्लाहकार गंगाधर पराजुलीको संयोजकत्वमा समिति गठन गरिएको छ । सदस्यमा बोधराज कार्की, सरिता तिमिल्सिना पगेनी, विजय भण्डारी, प्रकाशचन्द्र सापकोटा, पदेनसदस्यमा अध्यक्ष नवीन सिग्देल र सचिव प्रदीप पौडेल छन् । पुरस्कार राशि ३३ हजार रुपैयाँ छ ।

यस्तै, समाजसेवी भोला बरालद्वारा स्थापित ‘शान्ति पत्रकारिता पुरस्कार’ का लागि नेपाल प्रेस युनियन केन्द्रीय उपाध्यक्ष एवं जिल्ला सल्लाहकार रमेश पौडेलको संयोजकत्वमा प्रतिभा छनोट समिति गठन गरिएको छ । सदस्यमा भोला बराल, कुशल बराल, बिमला भण्डारी तथा पदेनसदस्यमा अध्यक्ष नवीन सिग्देल र सचिव प्रदीप पौडेल छन् ।

भोला बरालले बाबु पूर्णप्रसाद र मायादेवी बरालको नाममा युनियनले संचालन गर्ने गरी २५ हजार राशिको सो पुरस्कार स्थापना गरेका हुन् । जसको अक्षयकोष ३ लाख ३३ हजार रहेको छ ।

युनियनको बैठकले आफ्ना सदस्यलाई क्षमता अभिवृद्धिका लागि तालिम संचालन गर्ने निर्णय गरेको जिल्ला सचिव प्रदीप पौडेलले जानकारी दिए ।

Related News

सम्बन्धित समाचार

  • रोकामगरलाई आर्थिक सहयोग

    राष्ट्र न्यूज सम्वाददाता जेठ ९, २०८०
    पोखरा, ९ जेठ । उपचार खर्चको अभावमा गण्डकी मेडिकल कलेजको सर्जिकल वाडमा छटपटाइरहनु भएकी तमकुमारी रोकामगरलाई पोखरा आध्यात्मिक तथा सिप…
  • पहुचयुक्त संरचना र संचार सम्वन्धी कार्यक्रम

    राष्ट्र न्यूज सम्वाददाता वैशाख ३१, २०८०
    पोखरा, ३१ वैशाख । स्वाबलम्वन जीवन पद्वती केन्द्र पोखराको आयोजनामा पहुचयुक्त संरचना र संचार सम्वन्धी अभिमुखीकरण र पहुचयुक्त परीक्षण कार्यक्रम…
  • उपनिर्वाचनको दिन यी सडक बन्द हुने

    राष्ट्र न्यूज सम्वाददाता वैशाख ९, २०८०
    पोखरा, ९ वैशाख । वैशाख १० गते हुने उपनिर्वाचनलाई लक्षित गरी विभिन्न स्थानका सडक बन्द गरिने भएको छ । आज…
  • युनाइटेडको १३ औं वार्षिकोत्सव उपल्लो मुस्ताङको छोसेर गाउँमा

    राष्ट्र न्यूज सम्वाददाता वैशाख ८, २०८०
    पोखरा, ८ वैशाख । पोखराको युनाइटेड क्लबले उपल्लो मुस्ताङको छोसेर गाँउमा पुगी आफ्नो १३ औं वार्षिकोत्सव मनाएको छ । गुफै…
  • पटनाबाट भारतीय शहरमा प्रवद्र्धन सुरु

    राष्ट्र न्यूज सम्वाददाता वैशाख ५, २०८०
    –वासुदेव पौडेल पटना(भारत), ४ वैशाखः नेपाल एशोसिएसन अफ टुर एण्ड ट्राभल एजेन्ट्स(नाट्टा) गण्डकी प्रदेशको आयोजना एवम् पोखरा महानगरपालिकाको सहयोगमा भारतका…