सञ्चारकर्मीको जागिर र तलब ज्ञारेण्टी गर्न प्रेस युनियन गण्डकीको माग

राष्ट्र न्यूज सम्वाददाता
भाद्र १३, २०७७
118621000_1050441802053349_1184754304539510015_n

पोखरा, १३ भदौ । नेपाल प्रेस युनियन गण्डकीले सबै पत्रकार र सञ्चारकर्मीलाई विभिन्न वहानामा मिडिया हाउसले निकालेको घटनाप्रति ध्यानाकर्षण भएको जनाएको छ ।

११ वटै जिल्लाका युनियनकर्मीहरुको भर्चुअल भेल ाले पत्रकार तथा कर्मचारीलाई जागिरबाट निकाल्नु अमानवीय र मिडिया मालिकको मनपरी भएको ठहर गरेको छ ।

‘लकडाउनलाई देखाएर नियमित तलब नदिनु गलत छ । कुनैपनि बहानामा आफ्ना कर्मचारी र पत्रकारलाई जागिरबाट निकाल्ने र बेतलबी बिदामा बस्न बाध्य पारिएको घटनाप्रति युनियनको गम्भीर ध्यानाकषर्ण भएको छ,’ भेलापछि जारी अपिलमा भनिएको छ, ‘जागिर गुमाएका वा जागिर छोड्न बाध्य बनाईएका र नियमित पारिश्रमिक नपाएका सञ्चारकर्मीहरुको जागिर र तलब तत्कालै ज्ञारेण्टी गर्न सम्बन्धित सञ्चारमाध्यमसँग नेपाल प्रेस युनियन गण्डकी प्रदेश जोडदार माग गर्दछ ।’

पत्रकार अप्ठ्यारोमा परेको बेला सम्बन्धित जिल्लाका पत्रकार महासंघले पनि प्रभावकारी समन्वय गर्न नसकेको भन्दै युनियनले रिपोर्टिङमा निस्किने पत्रकारलाई सुरक्षित वातावरण सिर्जना गर्न आग्रह गरेको छ । पत्रकारिता पेशाप्रति प्रदेश र स्थानीय सरकार अनुदार भएको युनियनको आरोप छ ।

‘पत्रकारिता पेशाप्रतिको निर्मम संकट समाधानको लागि आवश्यक सहयोग गर्न स्थानीय सरकार र प्रदेश सरकारसँग जोडदार माग गर्दछ,’ अपिलमा भनिएको छ, ‘सबैजसो क्षेत्रमा सरकारले सहुलियत दिईरहेको अवस्थामा मिडियाको संरक्षणमा सरकारको सहयोग पुगेको छैन । सबैखाले सञ्चार माध्यमलाई सहुलियत ऋण वा लोककल्याणकारी विज्ञापनको अवधारणा अनुसार प्रदेश र स्थानीय सरकारले सहयोग गरोस् ।’

५ बुँदे अपिलमा जोखिममा रहेका पत्रकारको सहज पिसिआर गर्न र संक्रमण पुष्टी भएकाको उपचारमा सहयोग गर्न सरकारसँग माग गरिएको छ भने पत्रकारलाई पेशामै टिकाईराख्न लेखनबृत्ति र तालिम लगायतका कार्यक्रम सञ्चालन गर्न पत्रकार महासंघसँग आग्रह गरेको छ ।

भेलालाई सम्बोधन गर्दै नेपाल प्रेस युनियन केन्द्रीय अध्यक्ष बद्री सिग्देलले पत्रकार महासंघको चुनावको तयारी गर्न सबैलाई निर्देशन दिए । ‘अहिले महासंघको चुनावको मिति तोकिएको छ । अब हाम्रो ध्यान त्यसमा केन्द्रीत हुनुपर्छ । आवश्यक रणनीति बनाएर धेरै ठाउँमा जित्ने अवस्था सिर्जना गर्नुस्,’ जिल्ला र प्रदेशलाई निर्देशन दिँदै उनले भने, ‘आवश्यकत्ता अनुसार केन्द्रले सहयोग गर्न तयार छ ।’

उनले प्रेस युनियनमा महाधिवेशनको तयारी पनि भैरहेको सुनाए । ‘यो समितिको कार्यकाल लामो भैसक्यो । अब धेरै पर सार्नु हुन्न,’ उनले भने, ‘कसरी हुन्छ महाधिवेशन गर्नुपर्छ । ब्यालेटबाट गर्ने वा डिजिटल गर्ने भन्ने सल्लाह भैरहेको छ ।’

कोरोनाको असर नियमित थपिँदै गएको र पत्रकारिता पेशामा गम्भिर संकट आएकोले त्यसको निराकरणका लागि आवाज बुलन्द गरिएको युनियनका प्रदेश संयोजक प्रदीप काफ्लेले बताए । ‘धेरै साथीको जागिर गैसक्यो । भैरहेकाहरुको पनि ज्ञारेण्टी छैन । तलब खान पाएका छैनन्,’ उनले भने, ‘यस्तो जटिल अवस्थामा पनि सरकार चुपचाप छ । पेशागत संघ संगठनहरुले आवाज उठाएका छैनन् । सरकार र सरोकारवालाको ध्यानाकर्षणकै लागि यो अपिल गरिएको हो ।’

बैठकले पत्रकार स्व. बलराम बानियाँको मृत्युप्रति श्रद्धान्जली व्यक्त गरेको छ । बैठकमा १० वटा जिल्लाका प्रेस युनियन र पत्रकार महासंघका अध्यक्ष तथा प्रतिनिधिले जिल्लागत विवरण प्रस्तुत गरेका थिए ।

नेपाल प्रेस युनियनका उपाध्यक्ष रमेश पौडेल, पूर्व उपाध्यक्ष गंगाधर पराजुलीलगायतले प्रेस युनियनको सक्रियतामा ख्याल गर्न सुझाए ।

बैठकको सञ्चालन युनियनका साविक गण्डकी अञ्चल संयोजक टंक अधिकारीले गरेका थिए भने केन्द्रीय सचिव केवी रानाले धन्यवाद दिएका थिए ।

Related News

सम्बन्धित समाचार

  • नदीले बगाउँदा बेपत्ता

    रासस कार्तिक १, २०७८
    कैलाली, १ कात्तिक (रासस) । नदीले बगाउँदा एक जना बेपत्ता भएका छन् । जिल्लाको खुटिया नदीमा आएको बाढीले बगाउँदा गोदावरी…
  • मलेसियामा एक नेपालीको मृत्यु

    रासस कार्तिक १, २०७८
    बैतडी, १ कात्तिक (रासस) । वैदेशिक रोजगारिका सिलसिलामा मलेसियामा रहेका बैतडीका एकजनाको गएराति मृत्यु भएको छ । मृत्यु हुनेमा जिल्लाको…
  • बोक्सीको आरोपमा मलमूत्र खुवाउने चार पक्राउ

    रासस कार्तिक १, २०७८
    जलेश्वर, १ कात्तिक (रासस) । महोत्तरी जिल्लाको जलेश्वर नगरपालिका– ४ सुगा गाउँकी एक महिलालाई बोक्सी भन्दै मलमूत्र खुवाएको आरोपमा दुई…
  • मिथिलाका शक्ति पीठहरूमा खोँइछ भर्ने तथा प्रसाद चढाउनेको भीड

    रासस असाेज २७, २०७८
    धनुषा, २७ असोज (रासस)। जनकपुरधामको शक्ति पीठहरुमा खोँइछ भर्ने तथा लड्डु चढाउने भक्तजनको भीड लागेको छ । राजा जनकको कुलदेवीका…
  • बस दुर्घटना

    रासस असाेज २६, २०७८
    डडेल्धुरा, २६ असोज (रासस) :धनगढीबाट बाजुरा जाँदै गरेको ना७ख १७४ नंको बस केआईसिंह राजमार्गअन्तर्गत अमरगढी नगरपालिका–१० राईबजार राईबजार नजिकै दुर्घटना…