कास्की काँग्रेसद्वारा सावधानी अपनाउन आग्रह

राष्ट्र न्यूज सम्वाददाता
चैत्र ९, २०७६
flag

पोखरा, ९ चैत । नेपाली काँग्रेस कास्कीले विश्वव्यापी रुपमा फैलिरहेको कोरोना भाइरस (कोभिड–१९) को संक्रमणबाट सुरक्षित रहन लागि आवश्यक सावधानी अपनाउन सबैलाई आग्रह गरेको छ ।

कास्की काँग्रेसका सभापति कृष्णबहादुर केसीको अध्यक्षतामा पदाधिकारी, क्षेत्रीय सभापति र पोखरा महानगरपालिका सभापतिसहित आइतबार बसेको आकस्मिक बैंठकले त्यस्तो आग्रह गरेको प्रवत्ता नवीन सिग्देलले बताए ।

विश्वका अधिकांश राष्ट्रमा यसको संक्रमणसँगै त्रास बढिरहेको भन्दै बैठकपछि जारी विज्ञप्तिमा सचेत रहनु नै सबैभन्दा उत्तम विकल्प देखिएकाले सजग, सचेत र स्वयंम जिम्मेबार बन्दै आफू र अरुलाई समेत जोगाउने गरी तत्पर रहन अपिल गरिएको छ ।

कास्की काँग्रेसका सभापति कृष्णबहादुर केसीद्वारा जारी विज्ञप्तिमा विषम परिस्थितिमा आमउपभोत्ताहरुमा खाद्यान्नलगायत अत्यावश्यक सेवामा समेत कृत्रिम अभाव महसुस हुन थालेकाले त्यसको निराकरणका लागि तिनै तहका सरकारको ध्यानाकर्षण गराइएको छ ।

विज्ञप्तिमा आर्थिक क्षेत्रमा परेको प्रतिकुल असर न्यूनिकरण गरी आमनागरिकलाई राहत उपलब्ध गराउन सरकारलाई आग्रह गरिएको छ ।

त्यस्तै, पार्टीका सबै तहलाई नागरिक सेवामा समर्पित भई आमनागरिक र आफूलाई समेत सुरक्षित राख्न अनुरोध गरिएको छ ।

Related News

सम्बन्धित समाचार

  • नेपालमा कोरोना सङ्क्रमण ६० प्रतिशतले घट्यो

    रासस असाेज २४, २०७८
    काठमाडौं, २४ असोज (रासस)।नेपालमा कोरोना भाइरसको सङ्क्रमण ६० प्रतिशतले घटेको जनाइएको छ । स्वास्थ्य तथा जनसङ्ख्या मन्त्रालये ६० प्रतिशतले सङ्क्रमण…
  • टेलिकमको एफटिएच प्रविधि लमजुङ जिल्लामा सुरु

    राष्ट्र न्यूज सम्वाददाता असाेज २१, २०७८
    पोखरा, २१ असोज । नेपाल टेलिकमको द्रुत गतिमा इन्टरनेट चल्ने एफटिएच प्रविधि लमजुङ जिल्लामा सुरु भएको छ। नेपाल टेलिकम पोखराका…
  • सिग्देललाई मातृ शोक

    राष्ट्र न्यूज सम्वाददाता भाद्र ३०, २०७८
    पोखरा, ३० भदौ । पूर्व कर्मचारी सेवा परिषद् कास्कीका पूर्व अध्यक्ष कृष्णकान्त सिग्देललाई मातृ शोक परेको छ । उहाँकी ममतामयी…
  • उपसभापतिमा अधिकारीको उम्मेद्वारी

    राष्ट्र न्यूज सम्वाददाता भाद्र २५, २०७८
    पोखरा, २५ भदौ । पोखरा महानगरपालिका वडा नं ३३ बागमाराका कृष्ण प्रसाद अधिकारीले उपसभापति पदमा आफ्नो उम्मेद्वारी घोषणा गर्नुभएको छ…
  • खम्बाबाट खसेर निखिलको मृत्यु

    रासस भाद्र १९, २०७८
    ओखलढुङ्गा, १९ भदौ (रासस) । विद्युत्को खम्बाबाट खसेर एक युवकको ज्यान गएको छ । आज दिउँसो सोलु करिडोर प्रसारण लाइनको…