पोखरा, २९ फागुन । पोखरा २४, कास्कीकोटका काँग्रेस कार्यकर्ताले आफूहरु नेकपामा प्रवेश गरेको भनि नेकपाले गलत प्रचार गरको भन्दै आपत्ति जनाएका छन् ।
१५ जना काँग्रेस कार्यकर्ताले बिहीबार सामूहिक विज्ञप्ति जारी गरी काँग्रेस छाडेको भनि आफूहरुमाथि चोट पुर्याएको उल्लेख गर्दै आफूहरु काँग्रेसकै कार्यकर्ता भएको स्पष्ट पारेका छन् ।
नेकपाका नेताले भाषण जसको पनि सुन्न हुन्छ भनेपछि कार्यक्रममा सहभागी बनेकोमा एकाएक नाम बोलाएर माला लगाइदिएर कम्युनिष्ट बनेको भन्दै प्रचार गरिएकोप्रति उनीहरुले दुःख व्यक्त गरेका छन् ।
‘नेकपासँग हाम्रो कुनै सम्बन्ध छैन, विज्ञप्तिमा भनिएको छ, ‘गलत प्रचार नगर्न आग्रह गर्दछौं।’
यसरी विज्ञप्ति जारी गर्नेमा पोखरा २४, बाँस्कोटाका बमबहादुर कार्की, सुनिता थापा, विमल खत्री, शिव थापा, लक्ष्यबहादुर कार्की, शर्मिला कार्की, सुष्मा विक, पुष्पा कार्की, टेकबहादुर खत्री, धनमाया खत्री, शान्ति गौतम, हिरा खत्री, कृष्णा कार्की, भक्तबहादुर कार्की र विकास सुवेदी छन् ।
नेपाली काँग्रेस कास्कीकोट चालिसे डाडाँखेत बास्कोट टोल कार्यसमितिले बिहीबार आयोजना गरेको भेलामा उनीहरुले आफूहरुले कम्युनिष्ट बन्न कार्यक्रममा सहभागी नभएको स्पष्ट पारेको काँग्रेस जिल्ला सदस्य भरतबहादुर अधिकारीले जानकारी दिए ।
भेला टोल कार्यसमितिका सभापति भरतविक्रम शाहीको अध्यक्षतामा भएको थियो ।
Related News
सम्बन्धित समाचार
ठकुरी बस्तीमा निःशुल्क आँखा शिविर
साईबर अपराध सम्वन्धी सचेतनामूलक कार्यक्रम
पोखराका केहीस्थानमा टेलिफोन सेवा अवरुद्व हुने
वण्डरल्याण्ड र सान्दीपन प्रि–स्कूलमा दिक्षान्त समारोह
नेशनल क्रियशनमा शैक्षिक पुरस्कार वितरण
Archives
Archives