मनोज केसी प्रथम मिष्टर पोखरा

Avatar राष्ट्र न्यूज सम्वाददाता
श्रावण २०, २०७५
DSC01261

पोखरा, १९ साउन। एनएफबिफ प्रथम मिष्टर पोखरा शारीरिक सुगठन प्रतियोगिताको उपाधि पोखराका मनोज केसीले जितेका छन्।

पोखरा सभागृहमा शनिबार भएको फाइनल प्रतिस्पर्धामा अन्य ३५ जना प्रतिस्पर्धीलाई उछिन्दै उनले उपाधि सहित नगद ५० हजार साथमा मेडल र ट्रफि प्राप्त गरेका छन्।

कास्की बोडी बिल्डिङ एण्ड फिटनेश एशोसिएसनले स्वास्थ्यका लागि खेलकुद, राष्ट्रका लागि खेलकुद भन्ने मूलनाराका साथ प्रतियोगिता गरेको हो।

विभिन्न तौल समूहको प्रतियोगिताअन्तर्गत ५५ केजीतर्फ नरजंगसुब्बा गुरुङ प्रथम, मोती गुरुङ द्वितीय र कृष्ण अधिकारी तृतीय भए।

६० केजी तौल समूहतर्फ मौलादिन मियाँ प्रथम, प्रवेश गुरुङ द्वितीय, सुरेन्द्र प्रसाद वर्मा तृतीय, ६५ केजी तौल समूहतर्फ मनोज केसी प्रथम, श्रीधर दर्लामी मगर द्वितीय, विवेक गुरुङ तृतीय भए।

त्यस्तै, ७० केजी तौल समूहतर्फ निशान राना प्रथम, खिमेश गुरुङ द्वितीय, राजकुमार ध्वजु तृतीय, ७५ केजी तौल समूहतर्फ सुजन श्रेष्ठ प्रथम, सिजन गुरुङ द्वितीय, किरण श्रेष्ठ तृतीय र ७५ केजीमाथि तौल समूहमा कृष्ण विक प्रथम, शंकर विक द्वितीय र भरत सुवेदी तृतीय भए।

ती प्रतियोगितामा प्रथमलाई १० हजार, द्वितीयलाई ७ हजार र तृतीयलाई ५ हजार नगद सहित मेडल र प्रमाणपत्र प्रदान गरिएको कोषाध्यक्ष नवीन आलेमगरले जानकारी दिए।

प्रतियोगिताको प्रमुख निर्णायकमा लोकेन्द्र परियार र निर्णायकमा शिवलाल श्रेष्ठ, अजय बज्राचार्य, जीवन घिमिरे, राजेन्द्ररत्न तुलाधर र केशव नागा थिए।

कार्यक्रममा बोल्दै राष्ट्रियसभा सदस्य सूर्यबहादुर केसीले यस्ता प्रतियोगिताले युवालाई अघि सार्न सहयोग पुग्ने बताए। उनले खेलकुदको विकासले राष्ट्र विकासमा समेत टेवा पुर्‍याउने उल्लेख गरे।

कास्की बोडी बिल्डिङ एण्ड फिटनेश एशोसिएसनका अध्यक्ष राजुकुमार थापाको अध्यक्षतामा भएको कार्यक्रममा सचिव एवं कार्यक्रम संयोजक दीपक बास्तोलाले स्वागत र सदस्य प्रकाश बरालले संचालन गरेका थिए।

Related News

सम्बन्धित समाचार

  • सफल म्याराथनलाई वडावासीको साथ

    Avatar राष्ट्र न्यूज सम्वाददाता माघ २६, २०७७
    पोखरा २६, माघ । पोखरामा हुने १५ औं संस्करणको सफल पोखरा अन्तर्राष्ट्रिय म्याराथन प्रतियोगिता २०७७ लाई सफल पार्न पोखरा महानगरपालिका…
  • नेपाल लोकतान्त्रिक खेलकुद संघद्वारा संयोजक घोषणा

    Avatar राष्ट्र न्यूज सम्वाददाता माघ २१, २०७७
    पोखरा, २१ माघ । नेपाल लोकतान्त्रिक खेलकुद संघले पोखरामा प्रदेश तथा जिल्ला संयोजकको घोषणा गरेकोे छ । संघले पोखरामा बुधबार…
  • नेवि संघको भलिबल उपाधि शिक्षा संकायलाई

    Avatar राष्ट्र न्यूज सम्वाददाता मंसिर २१, २०७६
    पोखरा, २१ मंसिर । नेपाल विद्यार्थी संघ विज्ञान संकाय पृथ्वीनारायण क्याम्पसले गरेको अन्तर संकाय भलिबल प्रतियोगिताको उपाधि शिक्षा संकायले जितेको…
  • बुद्व विशाल बजार ब्यापारिक एशोसियशनको फुटसल

    Avatar राष्ट्र न्यूज सम्वाददाता असार १६, २०७६
    पोखरा, १६ असार । बुद्व विशाल बजार ब्यापारिक एशोसियशनले शनिवार पाँचौ आन्तरिक फुटसल प्रतियोगिता गरेको छ । ६ टिमको सहभागिता…
  • स्पोर्टस् अवार्डलाई सहयोग जारी

    Avatar राष्ट्र न्यूज सम्वाददाता जेठ १९, २०७६
    पोखरा, १९ जेठ । गण्डकी प्रदेश सरकारले नेपाल खेलकुद पत्रकार मञ्च गण्डकीले आयोजना गर्ने टीभीएस अपाचे चौथो पोखरा स्पोर्टस् अवार्डलाई…