मणिश्रीले भने – ‘गभर्नरमा विजयी गराएर सुधारको जिम्मेवारी पाउनेमा ढुक्क छु’

Avatar राष्ट्र न्यूज सम्वाददाता
वैशाख ५, २०७५
DSC00519

पोखरा, ५ वैशाख । डिष्ट्रिक्ट ३२५ बी १ नेपालको छैठौं महाधिवेशनमा गभर्नरका उम्मेदवार मणिश्री रत्न बज्राचार्यले लायन्सभित्रका बिकृति, बिसंगति अन्त्यका लागि आफ्नो उम्मेदवारी भएको बताएका छन् ।

उनले लायन्सका गतिविधिलाई समाजले वाहवाह गर्ने खालको बनाउन जरुरी भएको बताए ।

लायनले कार्यक्रम गरी फोटो खिच्ने, फेसबुकमा राख्ने र साथीलाई कमेन्ट गर्न लगाउन भन्ने आरोप छ उनले भने – ‘त्यस्तो आरोपको अन्त्यगर्दै लायन्स गतिविधिलाई हामीले हैन, समाजले वाहवाह गर्ने बनाउन आवश्यक छ ।’

मणिश्री जिताऔं अभियान पोखराले पोखरामा बुधबार गरेको पत्रकार सम्मेलनमा बोल्दै उनले लायन्समा रहेर २८ वर्षदेखि गरेको अनुभव लायन्सको नेतृत्वमा पुगेर कार्यन्वयन गर्न चाहेको उल्लेख गरे ।

अघिल्लो वर्ष आफुले उठाएका विषयलाई लायन्स साथीहरुले रुचाएपनि भोटको राजनीति गर्न नजान्दा पराजित भएकोभन्दै यसपटक विगतको कमजोरी सुधार्दै मैदानमा उत्रेकाले विजयी हुनेमा ढुक्क रहेको बताए ।

साथीहरुले लायन्स शुद्विकरणका लागि तपाई आवश्यक छ भन्नुभएको छ उम्मेदवार बज्राचार्यले भने – ‘गभर्नरमा विजयी गराएर सुधारको जिम्मेवारी पाउनेमा ढुक्क छु ।’

उनले १४ बुँदे प्रतिवद्वता पनि सार्वजनिक गरेका छन्। उनले गरेका प्रतिवद्वताहरुमा नेपाल भित्रका क्लब र अन्य मुलुकका क्लबहरुसँग आत्मीय वातावरण निर्माण, कम खर्चमा बढिभन्दा बढि मानवीय सेवाका लागि उत्प्रेरित गर्ने, अन्र्तराष्ट्रिय स्तरका प्रशिक्षकहरुबाट प्रशिक्षण चलाउने, नेपाल लायन्स फाउण्डेशन कोषलाई बलियो बनाउन क्लबहरुलाई प्रोत्साहन गर्ने छन्।

त्यस्तै, मानवीय कार्यका लागि क्लबहरुलाई बढि जिम्मेवार बनाउने, औपचारिक कार्यक्रमहरुलाई सकेसम्म कम समयमा सम्पन्न गराउन प्रयत्न गर्ने, क्लब र सदस्यको निष्पक्ष कार्य मूल्यांकन गरी सम्मान गर्ने लगायतका प्रतिवद्वता पनि जनाएका छन्।

पत्रकार सम्मेलनमा मणिश्री जिताऔं अभियानका संयोजक मोतिराज तिमिल्सिना, सहसंयोजक स्थिरबहादुर थापा, सल्लाहाकार एकनारायण शर्मा, जीएमटी कोअर्डीकेटर सुदिप ढुङ्गानाले बोलेका थिए ।

उनको पक्षमा माहौल बनाउनका लागि एक महिना अघि देखि नै अभियान शुरु भएको छ । महाधिवेशन वैशाख ७ र ८ गते पोखरा सभागृहमा हुदैछ।

Related News

सम्बन्धित समाचार

  • भोकै छन् राउटे

    Avatar रासस फागुन १९, २०७७
    कर्णाली, १९ फागुन (रासस)। कर्णाली प्रदेश सरकारका मुख्यमन्त्री महेन्द्रबहादुर शाहीलाई राउटे अगुवा दिलबहादुर शाहीले भेटेका छन् । आफ्ना जनताका लागि…
  • चन्द समूहसँग वार्ता गर्न टोली गठन

    Avatar रासस फागुन १८, २०७७
    काठमाडौँ, १८ फागुन (रासस)।सरकारले नेत्रविक्रम चन्द समूहसँग वार्ता गर्न दुई सदस्यीय टोली गठन गरेको छ । वार्ताका माध्यमबाट नै समस्या…
  • घाँस काट्न जाने क्रममा नीलगाईको आक्रमण,एक जनाको घटनास्थलमै मृत्यु

    Avatar रासस फागुन १७, २०७७
    चितवन, १७ फागुन (रासस)।माडी नगरपालिकामा नीलगाईको आक्रमणबाट आज एक जनाको घटनास्थलमै मृत्यु भएको छ । मृत्यु हुनेमा माडी –६ का…
  • विसं २०७८ मा तीन दशैँ

    Avatar रासस फागुन १७, २०७७
    काठमाडौँ, १७ फागुन (रासस)। विसं २०७८ मा तीन दशैँ परेको छ । यो वर्ष चैत्र शुक्ल पक्षमा पर्ने दुई वटा…
  • बाघको छालासहित पक्राउ

    Avatar रासस फागुन १६, २०७७
    काठमाडौँ, १६ फागुन (रासस) । प्रहरीले बाघको छालासहित एक जनालाई पक्राउ गरेको छ । महानगरीय प्रहरी वृत्त मालिगाउँको टोलीले काठमाडौँ…

Recent News

Trending

ट्रेन्डिङ्ग