बामगठबन्धनका कारण हैन, अन्र्तघातका कारण पराजय – पौडेल

Avatar राष्ट्र न्यूज सम्वाददाता
वैशाख ३, २०७५
DSC00486

पोखरा, ३ बैशाख । नेपाली काँग्रेसका बरिष्ठ नेता रामचन्द्र पौडेलले बामगठबन्धनका कारण नभई अन्र्तघातका कारण पार्टीले पराजय भोगेको बताएका छन् ।

अरु मिलेर हामी हारेका हौ भन्ने कुरामा आफ्नो बिमती रहेको बताउँदै अन्र्तघात र जनताको मन जित्न नसक्नु पराजयको मुख्य कारण भएको बताए ।

पार्टीभित्र अनुशासन जरुरी भएकोभन्दै उनले अन्र्तघात गर्नेलाई क्षमा दिन नहुने बताए । मुलुक सुधार्न काँग्रेस सुधार्नु पर्ने उनको भनाइ छ।

नेपाल निजामति कर्मचारी युनियन संघ प्रदेश कार्य समिति – ४ ले कास्कीको संयोजनमा पोखरामा सोमबार आयोजना गरेको पदस्थापना तथा शुभकामना आदानप्रदान कार्यक्रममा उनले पार्टीभित्र निष्ठा र नैतिकताको आन्दोलन जरुरी भएको औल्याए ।

उनले जनताको स्वार्थसँग जोडिएर पार्टीले काम गर्नु पर्नेमा जोड दिए । जनताको मन जित्दै विश्वासमा लिएर नेतृत्व गर्ने पार्टी काँग्रेस हो उनले भने – ‘कम्युनिष्टले जस्तो भ्रम सिर्जना गरेर जनतालाई कब्जा लिने काम काँग्रेसले गर्दैन ।’

नेपाली काँग्रेसका केन्द्रीय सदस्य अर्जुन जोशीले राष्ट्रवाद देखाएर निर्वाचनमा भोट बटुलेका प्रधानमन्त्री केपी शर्मा ओली रक्षा कबज खोज्न भारत गएको टिप्पणी गरे । उनले प्रधानमन्त्रीका गतिविधि साम्यवाद उन्मुख भएको बताए ।

नेपाल निजामति कर्मचारी युनियन संघका केन्द्रीय अध्यक्ष गोपाल पोखरेलले सरकारले खोजीखोजी र रोजीरोजी प्रजातन्त्रवादी कर्मचारीलाई दुःख दिन खोजेको बताए ।

संघका बरिष्ठ उपाध्यक्ष सुरेन्द्र अधिकारीले वर्तमान सरकारलाई हल्लाउने तागत आफुहरुसँग भएकोभन्दै नआत्तिन आग्रह गरे ।

त्यसअवसरमा कास्की काँग्रेसका सभापति कृष्ण केसी, प्रदेश नम्बर ४ का सांसद कृष्णचन्द्र नेपाली, विन्दु थापा, संघका उपाध्यक्ष उत्तम कटुवाल, नेता राजेन्द्र बुढाथोकी, महाधिवेशन प्रतिनिधि बाबुराम आचार्य लगायतले बोलेका थिए ।

नेपाल निजामति कर्मचारी युनियन संघ प्रदेश कार्य समिति – ४ का अध्यक्ष शिव शर्मा अधिकारीको अध्यक्षतामा भएको कार्यक्रममा सदस्य सुरेशकुमार श्रेष्ठले स्वागत र कास्की अध्यक्ष डार्विन लम्सालले संचालन गरेका थिए ।

Related News

सम्बन्धित समाचार

  • घाँस काट्ने क्रममा गैंडाको आक्रमण, विकको मृत्यु

    Avatar राष्ट्र न्यूज सम्वाददाता फागुन २०, २०७७
    पोखरा, २० फागनु । गैंडाको आक्रमणबाट एक महिलाको मृत्यु भएको छ । गैडाको आक्रमणबाट नवलपरासी (पूर्व) मध्यविन्दु नगरपालिका–१२ नयाँबेलाहानीकी ४४…
  • बढ्दै सम्बन्धविच्छेद

    Avatar रासस फागुन २०, २०७७
    गलकोट, २० फागुन (रासस) । बागलुङ जिल्लामा बर्सेनि सम्बन्धविच्छेदका घटना बढ्दै गएको छ । जिल्ला अदालत बागलुङमा परेका मुद्दा र…
  • भोकै छन् राउटे

    Avatar रासस फागुन १९, २०७७
    कर्णाली, १९ फागुन (रासस)। कर्णाली प्रदेश सरकारका मुख्यमन्त्री महेन्द्रबहादुर शाहीलाई राउटे अगुवा दिलबहादुर शाहीले भेटेका छन् । आफ्ना जनताका लागि…
  • चन्द समूहसँग वार्ता गर्न टोली गठन

    Avatar रासस फागुन १८, २०७७
    काठमाडौँ, १८ फागुन (रासस)।सरकारले नेत्रविक्रम चन्द समूहसँग वार्ता गर्न दुई सदस्यीय टोली गठन गरेको छ । वार्ताका माध्यमबाट नै समस्या…
  • घाँस काट्न जाने क्रममा नीलगाईको आक्रमण,एक जनाको घटनास्थलमै मृत्यु

    Avatar रासस फागुन १७, २०७७
    चितवन, १७ फागुन (रासस)।माडी नगरपालिकामा नीलगाईको आक्रमणबाट आज एक जनाको घटनास्थलमै मृत्यु भएको छ । मृत्यु हुनेमा माडी –६ का…

Trending

ट्रेन्डिङ्ग