पोखरा, १३ फागुन । नेपाल तरुण दल कास्कीले आइतबार जिल्ला प्रशासन कार्यालय कास्की मार्फत राष्ट्रपतिलाई ज्ञापन पत्र पठाएको छ ।
तरुण दल कास्कीका अध्यक्ष मनोज गुरुङको नेतृत्वमा गएको तरुणको समूहले कास्कीका प्रमुख जिल्ला अधिकारी तारानाथ अधिकारीलाई ज्ञापनपत्र बुझाएको हो ।
तरुण दलका नेता तथा कार्यकर्ता राष्ट्रपति बिरुद्व नाराबाजीगर्दै ज्ञापनपत्र बुझाउन जिल्ला प्रशासन कार्यालय कास्कीमा पुगेको तरुण दल कास्कीका सचिव नरेन्द्र थापाले जानकारी थिए ।
राष्ट्रपति विद्यादेवि भण्डारीले राष्ट्रियसभा सदस्य मनोनयनमा असंवैधानिक कदम चालेको विरोधमा तरुण दल आन्दोलित बनेको हो।
निवर्तमान प्रधानमन्त्री शेरबहादुर देउवा नेतृत्वको सरकारले राष्ट्रियसभा सदस्यमा ३ जनालाई सिफारिस गरेपनि अहिलेका प्रधानमन्त्री केपी ओली नेतृत्वको सरकारले त्यसलाई हटाउदै मंगलबार फेरी ३ जनालाई नियुक्त गरेको सिफारिसलाई राष्ट्रपति भण्डारीले कार्यन्वयन गरेकी थिईन्। तरुण दलले राष्ट्रपति दलिय स्वार्थमा प्रेरित भएको आरोप लगाएको छ।
यसअघि नेपाली काँग्रेसका भातृसंस्थाले राष्ट्रपति विद्यादेवी भण्डारीलाई नेपालको संविधान – २०७२ उपहार दिएका थिए ।
अध्यक्ष गुरुङद्वारा हस्ताक्षरित ज्ञापनपत्रमा संविधानमा भएका कानुनी प्रावधान उल्लंघन गर्दै देशमा अधिनायकवाद स्थापित गर्ने उदेश्यले राष्ट्रपतिले त्यस्तो कदम चालेकोभन्दै मनोनयन अबिलम्ब खारेज गर्न माग गरिएको छ।
साथै ज्ञापनपत्रमा राष्ट्रपतिले असंवैधानिक कदम नसच्याए तरुण दल जस्तो सुकै कदम चाल्ने पनि बाध्य हुने चेतावनी दिएको छ।
Related News
सम्बन्धित समाचार
ठकुरी बस्तीमा निःशुल्क आँखा शिविर
साईबर अपराध सम्वन्धी सचेतनामूलक कार्यक्रम
पोखराका केहीस्थानमा टेलिफोन सेवा अवरुद्व हुने
वण्डरल्याण्ड र सान्दीपन प्रि–स्कूलमा दिक्षान्त समारोह
नेशनल क्रियशनमा शैक्षिक पुरस्कार वितरण
Archives
Archives