एमाले – माओवादी एकता अन्तिम चरणमा

राष्ट्र न्यूज सम्वाददाता
फागुन ७, २०७४
prachanda-and-kp-oli-

पोखरा, ७ फागुन । नेकपा एमाले र एनेकपा माओवादी केन्द्रबीच हुने भनिएको पार्टी एकता अन्तिम चरणमा पुगेको छ।

प्रधानमन्त्री एवं एमाले अध्यक्ष केपी शर्मा ओली र माओवादी अध्यक्ष प्रचण्डबीच पार्टी एकता गर्ने सहमति जुटेको छ ।

नेकपा एमाले र नेकपा माओवादी केन्द्रको पार्टी एकता संयोजन समितिको बैठक आज साँझ ७ बजे प्रधानमन्त्री निवास बालुवाटारमा बस्ने तयारी छ।

आजको बैठकले दुई पार्टीबीचको एकतालाई अन्तिम रुप दिने सम्भावना रहेको स्रोतको भनाइ छ। केहिदिन यता पार्टी एकताको विषयलाई लिएर ओली र दाहाल दिनहुँ जस्तो छलफलमा जुटिरहेका थिए।

दुई पार्टीबीचको एकताका लागि सहमति जुटेको र संयोजन समितिले सहमतिलाई अनुमोदन गर्ने एमाले उपाध्यक्ष बामदेव गौतमले बताए। दुई नेताबीच कसरी पार्टी एकताको सहमति जुट्यो भन्ने बारेमा उनले केहि बोल्न चाहेनन्।

Related News

सम्बन्धित समाचार