मानवशास्त्र विषय ओझेलमा परेकोमा चिन्ता

राष्ट्र न्यूज सम्वाददाता
फागुन ६, २०७४
DSC00028

पोखरा, ६ फागुन। मानवशास्त्र विषय ओझेलमा परेकोप्रति मानवशास्त्रीहरुले चिन्ता व्यक्त गरेका छन्।

उनीहरुले मानवशास्त्रको महत्व समाज र राष्ट्रलाई बुझाउनुपर्ने आवश्यकता औल्याएका छन्।

ओझेलमा परेको मानवशास्त्र विषयलाई माथि उठाउनका लागिभन्दै पोखरामा दुई दिनसम्म राष्ट्रियस्तरको छलफल चलाइएको छ। नेपाली मानवशास्त्रको सवाल, प्रवृत्ति र वहस विषयमा छलफल चलाइएको हो।

फागुन ४ र ५ गते आयोजित कार्यक्रममा मानवशास्त्रका प्राध्यापक, विद्यार्थी र स्वतन्त्र अनुसन्धानकर्ता गरी ८० जना सहभागि थिए। कार्यक्रममा मानवशास्त्रका विषयमा ३३ जनाले कार्यपत्र प्रस्तुत गरेका थिए।

कार्यक्रमपछि आयोजित पत्रकार सम्मेलनमा मानवशास्त्री प्रा.डा ओम गुरुङले मानवशास्त्रले समेट्ने मुद्वा, अहिलेसम्मको अवस्था र भविष्यको बारेमा छलफल गरिएको बताए।

समाजशास्त्र र मानवशास्त्रको पढाई एउटै विभागमा हुदाँ एउटै विषय हो भन्ने बुझाई छ उनले भने – ‘दुई विषय एकअर्कासँग नजिकका विषय भएपनि एउटै हैनन्।’

एउटै विषय हो भन्ने बुझाईले समाजशास्त्र÷समाजशास्त्र भनिदाँ मानवशास्त्र ओझेलमा परेको उनको भनाइ थियो।

उनले नेपाल जस्तो जातिय, भाषिक र सांस्कृतिक विविधता भएको मुलुकमा मानवशास्त्रको सान्दर्भिकता झनै बढि रहेको बताए। मानवशास्त्री गुरुङले सामाजिक विकासमा मानवशास्त्रले योगदान गर्ने बताए।

पहिचान, स्वायतत्ता, आरक्षण, समावेशीता जस्ता महत्वपूर्ण विषयमा मानवशास्त्रीले गरेको अध्ययन महत्वपूर्ण हुने उनको भनाइ छ।

मानवशास्त्र केन्द्रीय विभागका सदस्य भानु तिम्सिनाले संसार चिनाउने विषय नै मानवशास्त्र भएकोभन्दै मानवशास्त्र विषयको महत्वलाई समाज र राष्ट्रले बुझ्नुपर्नेमा जोड दिए।

उनले राजनीति, परिवर्तन र विकास निर्माण जे नाम दिएपनि ती सवै विषय मानवशास्त्र भएको उल्लेख गरे।

कार्यक्रममा पृथ्वीनारायण क्याम्पस मानवशास्त्र विभागका प्रमुख सूर्यभक्त सिग्देल र उपप्राध्यापक अमृतकुमार भण्डारीले बोलेका थिए।

Related News

सम्बन्धित समाचार

  • नेपालमा कोरोना सङ्क्रमण ६० प्रतिशतले घट्यो

    रासस असाेज २४, २०७८
    काठमाडौं, २४ असोज (रासस)।नेपालमा कोरोना भाइरसको सङ्क्रमण ६० प्रतिशतले घटेको जनाइएको छ । स्वास्थ्य तथा जनसङ्ख्या मन्त्रालये ६० प्रतिशतले सङ्क्रमण…
  • टेलिकमको एफटिएच प्रविधि लमजुङ जिल्लामा सुरु

    राष्ट्र न्यूज सम्वाददाता असाेज २१, २०७८
    पोखरा, २१ असोज । नेपाल टेलिकमको द्रुत गतिमा इन्टरनेट चल्ने एफटिएच प्रविधि लमजुङ जिल्लामा सुरु भएको छ। नेपाल टेलिकम पोखराका…
  • सिग्देललाई मातृ शोक

    राष्ट्र न्यूज सम्वाददाता भाद्र ३०, २०७८
    पोखरा, ३० भदौ । पूर्व कर्मचारी सेवा परिषद् कास्कीका पूर्व अध्यक्ष कृष्णकान्त सिग्देललाई मातृ शोक परेको छ । उहाँकी ममतामयी…
  • उपसभापतिमा अधिकारीको उम्मेद्वारी

    राष्ट्र न्यूज सम्वाददाता भाद्र २५, २०७८
    पोखरा, २५ भदौ । पोखरा महानगरपालिका वडा नं ३३ बागमाराका कृष्ण प्रसाद अधिकारीले उपसभापति पदमा आफ्नो उम्मेद्वारी घोषणा गर्नुभएको छ…
  • खम्बाबाट खसेर निखिलको मृत्यु

    रासस भाद्र १९, २०७८
    ओखलढुङ्गा, १९ भदौ (रासस) । विद्युत्को खम्बाबाट खसेर एक युवकको ज्यान गएको छ । आज दिउँसो सोलु करिडोर प्रसारण लाइनको…