भाग्यमानी सन्दिप, जसले चालिस रुपैयाको टिकटमा १८ लाखको कार जिते

राष्ट्र न्यूज सम्वाददाता
माघ १०, २०७४
sandip-poudel

?????????????

पोखरा, १० माघ / पर्वतको कुस्मा नगरपालिकाका सन्दीप पौडेल माघ ४ गते उपचारको लागि पोखरा आए । वडा प्रहरी कार्यालय बैदाममा कार्यरत सई नारायणप्रसाद पौडेलका छोरा हुन् उनी । पौडेलले छोरालाई साँढुभाइ पोषण अधिकारीकहाँ पठाए ।

आल्मुनियम व्यवसायी पोषणले नै छोरा सन्दीपलाई कुष्माबाट पोखरा ल्याएका थिए । पोषणले माघ ४ गते आफैले टिकट काटेर सन्दीपलाई पोखराको नयाँबजारमा जारी सफल राष्ट्रिय औद्योगिक व्यापार मेला तथा दोस्रो मोवाइल मेला २०७४ पोखरा हेर्न लगे । मेला दुबैले हेरे ।

मृगौलामा पत्थरी भएका सन्दीपलाई पिता नारायणप्रसाद पौडेलले माघ ५ गते पनि मेला हेर्न लगे । पृथ्वीचोकमा रहेको अस्पतालमा उपचार गराउँदै आएका सन्दीपको लागि विद्यार्थी सहुलियत ४० रुपैयाँको टिकट काटे भने आफूले ६० रुपैयाँ पर्ने टिकट काटे । मेला आयोजक संस्था पोखरा उद्योग वाणिज्य संघले मेलाको प्रवेश टिकटमा हुण्डाइ कम्पनीको करिब १८ लाख मूल्य पर्ने इवन कार उपहार राखेको उनलाई जानकारी थियो । दुबै दिन काटेका टिकट सुरक्षित राखे ।

मेलाको अन्तिम दिन उपहार खोलियो । पत्रकार टंक अधिकारी,नागरिक समाज कास्कीका अध्यक्ष रामबहादुर पौडेल,उच्च अदालत पोखराका बार एसोसियसनका अध्यक्ष दयाराम गौतम, पत्रकार महासंघ कास्कीका अध्यक्ष दीपेन्द्र श्रेष्ठ, जिल्ला प्रहरी कार्यालय कास्कीका प्रमुख एसपी अशोक सिँह, कार्यक्रमका प्रमुख अतिथी पोखरा महानगरपालिकाका प्रमुुख मानबहादुर जिसीले एकपछि अर्को गर्दै अंकहरु निकाले । भाग्यशाली टिकट नम्बर ०५४८९२ घोषणा भयो ।

त्यो नम्बर कसको भन्ने चर्चाकै बीच पवर्तको नमुना आवासीय मावि कुष्मामा कक्षा ९ मा पढ्दै गरेका १५ वर्षीय सन्दीपले पनि आफ्नो टिकट नम्बर हेरे । संचारमाध्यम मार्फत सार्वजनिक गरिएको नम्बरसहितको टिकट उनीसँगै थियो । तत्काल उनले आफ्ना पितालाई फोन गरे । पिता नारायणप्रसाद बुधबार टिकटसहित पोखरा उद्योग वाणिज्य बाणिज्य संघ आएपछि उनले लिएको टिकट र अर्धकट्टी भिडाइयो ।

संघका अध्यक्ष विश्वशंकर पालिखे, कोषाध्यक्ष पवनकुमार प्रजापति, टिकट व्यवस्थापन उपसमितिका संयोजक प्रेमबहादुर भुजेल, संघका कार्यकारी निर्देशक टोपबहादुर थापाको उपस्थितिमा संघमा सुरक्षित अर्धकट्टी र टिकटलाई भिडाएर प्रमाणित गरेपछि सन्दीप नै विजेता भएको घोषणा गरियो । संघले उनलाई आउँदो आइतबार अर्थात माघ १४ गते बिहान ८:३० बजे संघको सचिवालयमा एक औपचारिक कार्यक्रम गरी कार हस्तान्तरण गर्ने तय गरिएको छ ।

Related News

सम्बन्धित समाचार

  • मिथिलाका शक्ति पीठहरूमा खोँइछ भर्ने तथा प्रसाद चढाउनेको भीड

    रासस असाेज २७, २०७८
    धनुषा, २७ असोज (रासस)। जनकपुरधामको शक्ति पीठहरुमा खोँइछ भर्ने तथा लड्डु चढाउने भक्तजनको भीड लागेको छ । राजा जनकको कुलदेवीका…
  • बस दुर्घटना

    रासस असाेज २६, २०७८
    डडेल्धुरा, २६ असोज (रासस) :धनगढीबाट बाजुरा जाँदै गरेको ना७ख १७४ नंको बस केआईसिंह राजमार्गअन्तर्गत अमरगढी नगरपालिका–१० राईबजार राईबजार नजिकै दुर्घटना…
  • घान्द्रुक जाँदै गरेको जीप दुर्घटना

    रासस असाेज २५, २०७८
    कास्की, २५ असोज (रासस) । पोखराबाट जिल्लाको पर्यटकीय गाउँ अन्नपूर्ण गाउँपालिका–११ घान्द्रुक जाँदै गरेको जीप आज अपराह्न दुर्घटना भएको छ…
  • तनावपछि कफ्र्यु

    रासस असाेज २४, २०७८
    रुपन्देही २४ असोज (रासस) । प्रहरी र सुकुम्बासीका नाममा जग्गा कब्जा गर्ने समूहबीचको झडपपछि रुपन्देहीको मोतिपुरमा उत्पन्न परिस्थितिलाई नियन्त्रणमा लिन…
  • कांग्रेसले यस वर्ष कोजाग्रत पूर्णिमामा चियापान नगर्ने

    रासस असाेज २१, २०७८
    काठमाडौँ, २१ असोज (रासस) । नेपाली कांग्रेसले हरेक वर्ष कोजाग्रत पूर्णिमाका दिन आयोजना गर्दै आएको चियापान समारोह यसपटक नगर्ने भएको…