पर्वतिय दौडमा प्युठानका दाजु भाईको बर्चश्व

Avatar राष्ट्र न्यूज सम्वाददाता
माघ १०, २०७४
purush

पोखरा, १० माघ। कास्की पोखरा लेखनाथ महानगरपालिका वडा नं १६ स्थित अर्मलामा आयोजित पर्वतिय दौडमा प्युठानका दाजु भाई प्रथम र तृतिय भएका छन् भने नेपाली सेनाले दोश्रो स्थान हासिल गरेको छ ।

१० किलोमिटर उक्त दौडमा प्युठानका दामोदर बुढामगरले ४४ मिनेट २१ः०२ सेकेण्डमानै दुरी पार गर्दै नगद १५ हजार प्राप्त गरे ।

पोखराको बाटुलेचौर बाट सुरु भएको दौडमा नेपाली सेनाका रमेश मव्रmातीले ४५ मिनेट २१ः०२ सेकेण्डमा दुरी पार गर्दै तेश्रो भए । उनले नगद १० हजार पाए ।  दौडमा प्युठानका रुपलाल बुढामगरले ४५ मिनेट ५४ः०२ सेकेण्डमा दुरी पार गर्दै तेश्रो स्थान हासिल गरे। उनले नगद ५ हजार प्राप्त गरे ।

दुर्गा युवा क्लब अर्मलाको आयोजनामा भएको उक्त प्रतियोगितामा नेपाली सेनाका शुभाष कार्की र विष्णु कुमार तामाङले क्रमश चौथौ र पाँचौ स्थान हासिल गर्दै सान्त्वना स्वरुप नगद १ हजार ५ सय पाए ।

७५ जना धावक सम्मिलित भएका मध्ये सहभागी ७ जना महिलामा ललिता लामिछानेले १ घन्टा ८ः४२ सेकेण्डमा दुरी पार गर्दै प्रथम भइन् ।

सुस्मिता भट्टराइले दोश्रो स्थानका लागि उक्त दुरी १ घन्टा ९ मिनेटमा पार गरिन् भने सिन्धु अधिकारीले १ घन्टा २६ मिनेटमा दुरी पार गर्दै तेश्रो भइन् । पर्वतिय दौडको शुभारम्भ पूर्व राष्ट्रिय भलिबल खेलाडी उदय बहादुर बस्नेतले गरेका थिए ।

Related News

सम्बन्धित समाचार