आज माघे संक्रान्ति र माघी पर्व

राष्ट्र न्यूज सम्वाददाता
माघ १, २०७४
26803426_1844417672514853_2103042814_n

पोखरा, १ माघ। आज माघ महिनाको पहिलो दिन माघे संक्रान्ति मनाइदैछ । सूर्य धनु राशिबाट मकर राशिमा प्रवेश गरी उत्तरायण सुरु हुने भएकाले माघ १ गतेलाई मकर संक्रान्ति पनि भनिन्छ । आजदेखि उत्तरायण सुरु हुने भएकाले दिनभन्दा रात छोटा हुँदै जान्छन् ।

आज देवघाट, त्रिशूली, कालीगण्डकी, बाग्मती, इन्द्रावती, त्रिवेणी, रिडीलगायतका ठाउँमा माघ स्नान गर्ने भक्तजनको घुईंचो लागेको छ । पोखराको ढुङ्साँघुमा आज मेला लाग्ने गर्दछ।
माघे संक्रान्ति दिन घ्यू, चाकु, तिलका परिकार, तरुल, खिचडी आदि खाने चलन छ । यी परिकारले जाडोमा न्यानो दिने र शरीरमा उर्जा थपिने भएकाले चिसो समयमा पर्ने पर्वमा ताता परिकार खाने गरिएको छ ।

यसैबीच थारु समुदायले आज नयाँ वर्षका रुपमा धुमधामका साथ स्नान, दान, एवम् खानपिन र रमाइलो गरेर माघी पर्व मनाउँदैछन् ।

नेवार समूदायमा घ्यूचाकु सँल्हु नामले माघे संक्रान्ति मनाइन्छ । उनीहरुले चाकुमा तिल मिसाएर लडडु बनाएर खाने तथा दान दिने गर्दछन् ।

माघे संक्रान्ति पर्व नेपालका मगर जातिको पनि प्रमुख चाड हो । माघे संक्रान्तिलाई मगरहरुको राष्ट्रिय पर्वका रुपमा मान्यता दिइएको छ । मगर समुदायमा आज तारो हान्ने खेल अत्याधिक प्रचलनमा छ ।

Related News

सम्बन्धित समाचार

  • रुखले च्याप्दा एकको मृत्यु

    रासस माघ ७, २०७८
    देउखुरी, ७ माघ (रासस) । देउखुरीमा रुखले च्यापेर एक जनाको मृत्यु भएको छ । मृत्यु हुनेमा गढवा गाउँपालिका–२ पचहिया निवासी…
  • अत्यावश्यक बाहेकका सेवा बन्द

    रासस माघ ७, २०७८
    काभ्रेपलाञ्चोक, ७ माघ (रासस) । जिल्ला प्रशासन कार्यालय काभ्रेपलाञ्चोकले कोरोना भाइरसबाट कार्यालयका कर्मचारी सङ्क्रमित भएपछि छ दिन अत्यावश्यकबाहेकका सेवा बन्द…
  • नक्कली नोटसहित दुई पक्राउ

    रासस माघ ७, २०७८
    चितवन, ७ माघ (रासस) । प्रहरीले नक्कली नोट कारोबारमा संलग्न दुई व्यक्तिलाई पक्राउ गरेको छ । पक्राउ पर्नेमा भरतपुर महानगरपालिका–३…
  • भोलिदेखि मौसममा सुधार हुने

    रासस माघ ६, २०७८
    काठमाडौँ, ६ माघ (रासस) । पश्चिमी वायुको प्रभावले देशको अधिकांश स्थानमा आंशिकदेखि सामान्य बदली रही केही हल्का वर्षा र हिमपात…
  • कोरोनाका कारण मनकामना मन्दिर प्रवेशमा रोक

    रासस माघ ५, २०७८
    गोरखा, ५ माघ (रासस) । गोरखाको मनकामना मन्दिरमा आगामी शुक्रबारदेखि भक्तजन प्रवेशमा रोक लगाइने भएको छ । देशभर तेस्रो लहरको…