सरकारद्वारा २१ जना शहीद घोषित (नामाबली सहित)

Avatar राष्ट्र न्यूज सम्वाददाता
पौष २८, २०७४
ICT-Council-Nepal

पोखरा, २८ पुस। सरकारले धनकुटाका २१ जनालाई शहीद घोषणा गरेको छ।

मन्त्रिपरिषद्को शुक्रबारको बैठकले पञ्चायतकालीन छिन्ताङ काण्डमा मारिएका १६ र माओवादीबाट विभिन्न समयमा मारिएका धनकुटाका ५ जना राप्रपा कार्यकर्ता गरी २१ जनालाई शहीद घोषणा गरेको हो।

सरकारले घोषणा गरेको शहीदको सूचीमा परेका १६ जनामा छिन्ताङ काण्डमा सरकारद्वारा मारिएकामध्ये गोपालआनन्द राई, गंगाबहादुर तुप्रिहाङ राई, भैरबबहादुर खालिङ, बलबहादुर खत्री, पुत्रमान राई, टंकबहादुर विश्वकर्मा, रणध्वज पुमा राई, गणेशबहादुर बिश्वकर्मा, हाङखिमा साईली, झगेन्द्र राई, धनवीर दर्जी, चन्द्रबहादुर दमाई, रामकुमारी राई, गम्भीरमान दर्जी, केशरमान राई र लाखमान साधु राई छन् ।

त्यसैगरी शहीद घोषणा गरिएका राप्रपाका ५ कार्यकर्ताहरुमा गोविन्द वालिङ राई (छिन्ताङ), गंगा जोशी (बेलाहारा), रामजी थापा (मुगा) दीपक दाहाल (भीरगाउँ) र राजन भट्टराई (मुगा) छन् ।

उद्योगमन्त्री सुनीलबहादुर थापाको प्रस्तावमा सरकारले उनीहरुलाई शहीद घोषणा गरेको छ ।

तत्कालीन प्रधानमन्त्री स्व. सूर्यबहादुर थापाका पालामा ०३७ साल कात्तिक २७ गते छिन्ताङमा १६ जनाको हत्या भएको थियो ।

तत्कालीन नेकपा मालेका कार्यकर्ता रहेको आरोपमा उनीहरुलाई पञ्चायती सरकारले डाँडामा लाइन लगाएर गोली हानी सामुहिक हत्या गरेको थियो ।

Related News

सम्बन्धित समाचार

  • लागूआौषधसहित युवक पक्राउ

    Avatar राष्ट्र न्यूज सम्वाददाता फागुन २२, २०७७
    पोखरा,२२ फागुन । प्रहरीले लागूआौषधसहित एक युवकलाई पक्राउ गरेको छ । पर्वत कुश्मा नगरपालिका वडा ३ बडागाँउ बस्ने २२ वर्षीय…
  • ७५ औ स्थापना दिवसमा ट्रेड युनियन काँग्रेस मानव सेवा आश्रममा

    Avatar राष्ट्र न्यूज सम्वाददाता फागुन २१, २०७७
    पोखरा, २१ फागुन । नेपाल ट्रेड युनियन काँग्रेसले शुक्रबार ७५ औं स्थापना दिवस मनाएको छ । ट्रेड युनियनका जिल्ला शाखाले…
  • घाँस काट्ने क्रममा गैंडाको आक्रमण, विकको मृत्यु

    Avatar राष्ट्र न्यूज सम्वाददाता फागुन २०, २०७७
    पोखरा, २० फागनु । गैंडाको आक्रमणबाट एक महिलाको मृत्यु भएको छ । गैडाको आक्रमणबाट नवलपरासी (पूर्व) मध्यविन्दु नगरपालिका–१२ नयाँबेलाहानीकी ४४…
  • बढ्दै सम्बन्धविच्छेद

    Avatar रासस फागुन २०, २०७७
    गलकोट, २० फागुन (रासस) । बागलुङ जिल्लामा बर्सेनि सम्बन्धविच्छेदका घटना बढ्दै गएको छ । जिल्ला अदालत बागलुङमा परेका मुद्दा र…
  • भोकै छन् राउटे

    Avatar रासस फागुन १९, २०७७
    कर्णाली, १९ फागुन (रासस)। कर्णाली प्रदेश सरकारका मुख्यमन्त्री महेन्द्रबहादुर शाहीलाई राउटे अगुवा दिलबहादुर शाहीले भेटेका छन् । आफ्ना जनताका लागि…