पोखरा, २६ पुस। डा गोविन्द केसीलाई पक्राउ गरिएको विरोध र रिहाइको मागगर्दै पोखरामा पनि प्रदर्शन गरिएको छ।

स्वस्फुर्त रुपमा युवा तथा विद्यार्थीले गठन गरेको न्यायप्रेमी तथा राष्ट्रप्रेमी युवा समूह कास्कीको अगुवाईमा मोटरसाइकल ¥याली प्रदर्शन गरिएको हो।

डा केसीको पक्षमा लेखिएका विभिन्न प्लेकार्ड सहित पोखराको जनप्रिय क्याम्पसबाट शुरु भएको युवा विद्यार्थीको ¥यालीले पोखराको विभिन्न स्थान परिक्रमा गरेको संयोजन गर्नेमध्यका एक आशिक गुरुङले जानकारी दिए।

उनका अनुसार, ¥यालीपछि डा केसीको रिहाईको मागगर्दै जिल्ला प्रशासन कार्यालय कास्कीमा ज्ञापन पत्र बुझाइएको छ।

ज्ञापन पत्रमा भ्रष्टाचारी, आतंककारी, हत्यारा, डन संसदमा, जनसेवक, महात्मा जेलमा वाह क्या गजबको रमिता छ मेरो देशमा उल्लेखगर्दै घिन लाग्दो कार्य रोक्न हातेमालौ गरौ भनिएको छ।

त्यस्तै, शत्ति र पैसाको भरमा राज्यको मूल कानुन खरिद गर्न बन्द गरौभन्दै राजनैतिक हस्तक्षेप तथा कानुनको दुरुपयोग गर्नेलाई चेतावनी भनेर उल्लेख गरिएको छ।

¥यालीको संयोजन सुदिप शर्मा, देवेन्द्रराज सुवेदी, अनिश खड्का, आशिक गुरुङ, अञ्जन थापा, सुनिल थापा र विजयबाबु न्यौपानेले गरेका हुन्।