प्रदर्शन जारी, डा. केसी पक्राउपछि कसले के भने ?

Avatar राष्ट्र न्यूज सम्वाददाता
पौष २५, २०७४
26782368_1819793081386002_1905083137_o

पोखरा, २६ पुस। डा. गोविन्द केसी पक्राउको विरोधमा देशका विभिन्न स्थानमा प्रदर्शन भैरहेको छ।

उनको पक्राउको विरोधगर्दै चिकित्साक्षेत्रदेखि दलका नेता र स्वतन्त्र नागरिक समेत प्रदर्शनमा सहभागि भैरहेका छन्।

डा. गोविन्द केसीलाई प्रहरीले पक्राउ गरी रातारात हिरासतमा राखेकोमा प्रधानमन्त्री शेरबहादुर देउवाले असन्तुष्टि व्यक्त गरेका छन् । प्रहरीले आफूलाई थाहै नदिई डा. केसीलाई गिरफ्तार गरेको प्रधानमन्त्री देउवाको गुनासो छ ।

राजधानीको माइतीघर मण्डला र पोखरामा पनि उनको रिहाईको मागगर्दै प्रदर्शन गरिएको छ।
विरोध प्रदर्शनमा पूर्वप्रधानमन्त्री एवं नयाँ शक्तिका संयोजक डा. बाबुराम भट्टराई, नेपाली कांग्रेसका केन्द्रीय सदस्य गगन थापा र विवेकशील साझा पार्टीका रविन्द्र मिश्र लगायत सहभागि थिए।

विरोध प्रदर्शनमा सहभागि भएका नेपाली कांग्रेसका केन्द्रीय सदस्य गगन थापाले डा. गोविन्द केसीलाई मानहानी मुद्दा लाग्छ भने सबैलाई लाग्नुपर्ने बताएका छन्।

विवेकशील साझा पार्टीका संयोजक रविन्द्र मिश्रले डा. गोविन्द केसीको गिरफ्तारी सरकारका लागि लज्जाजनक भएको बताएका छन् ।

चिकित्सा शिक्षामा सुधारको माग गर्दै सत्याग्रह गर्दै आएका डा. गोविन्द केसी १४ औ पटक अनशन बसेका थिए।

अनशन सुरु गरे लगत्तै सर्वाेच्च अदालतका न्यायाधीश डम्मरबहादुर शाहीको एकल इजलासले अवहेलना मुद्दामा केसीलाई पक्राउ गरी अदालतमा उपस्थित गराउन आदेश दिएको थियो।

न्यायलयलाई व्यक्तिगत स्वार्थपूर्ति गर्ने माध्यम र आफ्ना न्यायिक अपराध छोप्ने खोल बनाएको भन्दै अनशन शु्रु गर्नुअघि उनले भनेका थिए – ‘न्यायालयको मर्यादा बचाउन पनि भ्रष्ट र माफिया प्रधानन्यायाधीश गोपाल पराजुलीविरुद्ध लड्नुको अब विकल्प छैन।’

Related News

सम्बन्धित समाचार

  • बेसारको पातबाट तेल !

    Avatar रासस वैशाख २६, २०७८
    बाँके,२६वैशाख (रासस) ।  गुलरिया नगरपालिका –१० रत्नापुरका २४ वर्षीय पवनकुमार बर्माले गाँउघरमा खेर गइरहेको कलप्टिस र बेसारको पातबाट तेल निकाल्ने…
  • डिभी लोटरीको नतिजा सार्वजनिक

    Avatar राष्ट्र न्यूज सम्वाददाता वैशाख २६, २०७८
    पोखरा, २६ वैशाख । अमेरिकी डिभी लोटरी २०२२ को नतिजा शनिबार राति ९ः४५ बजे सार्वजनिक भएको छ । अमेरिकी विदेश…
  • कोरोना नियन्त्रण र विरामीलाई सहयोग गर्न अघि सर्दै बागमारा युवा संगम समूह

    Avatar राष्ट्र न्यूज सम्वाददाता वैशाख २६, २०७८
    पोखरा, २६ वैशाख । युवा सशक्तिकरणका साथै सामाजिक सेवाका क्षेत्रमा कृयाशिल बागमारा युवा संगम समूहले विश्वव्यापी महामारीका रुपमा फैलिएको कोरोना…
  • राप्ती खोलामा प्रहरीको शव फेला

    Avatar रासस वैशाख २५, २०७८
    वाग्मती, २५ वैशाख (रासस) । वाग्मती प्रदेशको राजधानी हेटौँडा उपमहानगरपालिका–१० स्थित राप्ती खोलामा आज एक प्रहरीको शव फेला परेको छ…
  • गैँडा तस्करीमा संलग्न २४ पक्राउ

    Avatar रासस वैशाख २५, २०७८
    चितवन, २५ वैशाख (रासस) ।  चितवन राष्ट्रिय निकुञ्जले गैँडा चोरी शिकार गरेको आरोपमा चालु आर्थिक वर्षमा २४ जनालाई पक्राउ गरेको…

Trending

ट्रेन्डिङ्ग