अब पोखरामा चोकका शालिक पार्कमा लगिने

राष्ट्र न्यूज सम्वाददाता
पौष २०, २०७४
Sightseeing-in-Pokhara-Valley

पोखरा, २० पुस । पोखरा लेखनाथ महानगरपालिकाको मुख्यचोकमा रहेका शहिद र राष्ट्रिय बिभुतिका शालिकलाई व्यवस्थित पार्क बनाएर राख्ने प्रक्रिया सुरु भएको छ ।

पोखरा लेखनाथ महानगरपालिकाले शहिद पार्क बनाउने कार्ययोजना अगाडी बढाएको हो । पोखरा लेखनाथ महानगरपालिका वडा नम्वर १८ स्थित पर्यटकीय क्षेत्र सराङकोटको जामुनेबोटमा पार्क निर्माणको प्रक्रिया अगाडी बढेको उपमेयर मञ्जुदेवी गुरुङले जानकारी दिइन्।

उपमेयरका प्रेस सहयोगी एकराज गिरीका अनुसार चोक÷चोकमा राखिएका आइल्याण्ड र शालिकका कारण ट्राफिकजाम बढेका कारण आइल्याण्ड भत्काउने र सवै शालिकलाई व्यवस्थित पार्क बनाएर राख्ने गरी योजना अगाडी बढेको छ।

महानगरपालिकाले शहिदका शालिक व्यवस्थित गर्न उदासिन बनेको भन्ने जनगुनासो आएपछि पार्क निर्माण कार्य तिव्र रुपमा अगाडी बढाईने भएको छ।

सराङकोटको ५७ रोपनी क्षेत्रमा पार्क बनाउने गरी गुरुयोजना निर्माणमा जुटेको महानगरपालिकाका इन्जिनियर महेन्द्रबहादुर गोदारले जानकारी दिए । उनका अनुसार, जग्गा छुट्याउने र पर्खाल लगाउने कामका लागि लगत स्टिमेट तयार भैरहेको छ।

पोखरा लेखनाथ महानगरपालिकाले सडक फराकिलो बनाउने अभियान अन्र्तगत असोजमा पृथ्वीचोकमा रहेको लखन थापाको, अमरसिंहचोकको अमरसिंह थापाको , जिरो किलोमिटरको योगेन्द्र शेरचनको शालिक हटाएको थियो।

तर महानगरले पृथ्वीचोकमा हटाइएको लखन थापाको शालिक पुर्नस्थापना गरेको भन्दै विरोध भएपछि महानगरले सबै चोकमा रहेका शहिद र बिभुतिका शालिक पार्क बनाएर राख्ने बताएको थियो।

Related News

सम्बन्धित समाचार

  • नेपालमा कोरोना सङ्क्रमण ६० प्रतिशतले घट्यो

    रासस असाेज २४, २०७८
    काठमाडौं, २४ असोज (रासस)।नेपालमा कोरोना भाइरसको सङ्क्रमण ६० प्रतिशतले घटेको जनाइएको छ । स्वास्थ्य तथा जनसङ्ख्या मन्त्रालये ६० प्रतिशतले सङ्क्रमण…
  • टेलिकमको एफटिएच प्रविधि लमजुङ जिल्लामा सुरु

    राष्ट्र न्यूज सम्वाददाता असाेज २१, २०७८
    पोखरा, २१ असोज । नेपाल टेलिकमको द्रुत गतिमा इन्टरनेट चल्ने एफटिएच प्रविधि लमजुङ जिल्लामा सुरु भएको छ। नेपाल टेलिकम पोखराका…
  • सिग्देललाई मातृ शोक

    राष्ट्र न्यूज सम्वाददाता भाद्र ३०, २०७८
    पोखरा, ३० भदौ । पूर्व कर्मचारी सेवा परिषद् कास्कीका पूर्व अध्यक्ष कृष्णकान्त सिग्देललाई मातृ शोक परेको छ । उहाँकी ममतामयी…
  • उपसभापतिमा अधिकारीको उम्मेद्वारी

    राष्ट्र न्यूज सम्वाददाता भाद्र २५, २०७८
    पोखरा, २५ भदौ । पोखरा महानगरपालिका वडा नं ३३ बागमाराका कृष्ण प्रसाद अधिकारीले उपसभापति पदमा आफ्नो उम्मेद्वारी घोषणा गर्नुभएको छ…
  • खम्बाबाट खसेर निखिलको मृत्यु

    रासस भाद्र १९, २०७८
    ओखलढुङ्गा, १९ भदौ (रासस) । विद्युत्को खम्बाबाट खसेर एक युवकको ज्यान गएको छ । आज दिउँसो सोलु करिडोर प्रसारण लाइनको…