सिलवालको सांसद् पद के होला ? सबैको चासो

राष्ट्र न्यूज सम्वाददाता
पौष १९, २०७४
nabaraj-silwal

पोखरा, १९ पुस । नेपाल प्रहरीका पूर्वडीआईजी तथा एमालेबाट निर्वाचित सांसद् नवराज सिलवालविरुद्ध पक्राउ पूर्जी जारी गरिएपछि उनीसँग जोडेर विभिन्न खाले टिकाटिप्पणी र उनीमाथि के होला भन्ने बहस शुरु हुन थालेको छ।

उनलाई पक्राउ गर्न प्रहरीले पूर्जी जारी गरिएपछि यतिबेला यो विषयले निकै चर्चा पाएको छ। उनीमाथिको कारबाही प्रक्रिया र सांसद् पद रहने या नरहने भन्ने विषयमा सबैको चासो बढिरहेको छ भने त्यसविषयमा बहस केन्द्रीत हुन थालेको छ।

बुधबार राजधानी तथा मोफसलबाट प्रकाशित पत्रपत्रिकाहरु सबै जसोले यो विषयलाई प्राथमिकताका साथ छापेका छन्।

सिलवालविरुद्ध पक्राउ पुर्जी जारी भए पनि उनी भने काठमाडौंमा नरहेको नयाँ पत्रिकाको समाचारमा उल्लेख छ। उनी मलेसियाको क्वालालम्पुरमा छन् । पूर्व निर्धारित कार्यक्रममा भाग लिन आइतबार क्वालालम्पुर गएको पारिवारिक स्रोतको भनाइ उद्धृत गदै समाचार लेखेको छ।

महानगरीय प्रहरी परिसर काठमाडौंले सिलवाललाई पक्राउ गर्न मंगलबार ललितपुर प्रहरीलाई पत्र पठाएको थियो।

आइजीपी बढुवामा कार्य सम्पादन मूल्याङकन फारममा किर्ते गरेको आरोप उनीमाथी छ।

सिलवाल नेकपा एमालेको तर्फबाट ललितपुर क्षेत्र नम्बर १ बाट प्रतिनिधिसभा सदस्यमा विजयी भएका थिए।

Related News

सम्बन्धित समाचार

  • मिथिलाका शक्ति पीठहरूमा खोँइछ भर्ने तथा प्रसाद चढाउनेको भीड

    रासस असाेज २७, २०७८
    धनुषा, २७ असोज (रासस)। जनकपुरधामको शक्ति पीठहरुमा खोँइछ भर्ने तथा लड्डु चढाउने भक्तजनको भीड लागेको छ । राजा जनकको कुलदेवीका…
  • बस दुर्घटना

    रासस असाेज २६, २०७८
    डडेल्धुरा, २६ असोज (रासस) :धनगढीबाट बाजुरा जाँदै गरेको ना७ख १७४ नंको बस केआईसिंह राजमार्गअन्तर्गत अमरगढी नगरपालिका–१० राईबजार राईबजार नजिकै दुर्घटना…
  • घान्द्रुक जाँदै गरेको जीप दुर्घटना

    रासस असाेज २५, २०७८
    कास्की, २५ असोज (रासस) । पोखराबाट जिल्लाको पर्यटकीय गाउँ अन्नपूर्ण गाउँपालिका–११ घान्द्रुक जाँदै गरेको जीप आज अपराह्न दुर्घटना भएको छ…
  • तनावपछि कफ्र्यु

    रासस असाेज २४, २०७८
    रुपन्देही २४ असोज (रासस) । प्रहरी र सुकुम्बासीका नाममा जग्गा कब्जा गर्ने समूहबीचको झडपपछि रुपन्देहीको मोतिपुरमा उत्पन्न परिस्थितिलाई नियन्त्रणमा लिन…
  • कांग्रेसले यस वर्ष कोजाग्रत पूर्णिमामा चियापान नगर्ने

    रासस असाेज २१, २०७८
    काठमाडौँ, २१ असोज (रासस) । नेपाली कांग्रेसले हरेक वर्ष कोजाग्रत पूर्णिमाका दिन आयोजना गर्दै आएको चियापान समारोह यसपटक नगर्ने भएको…