काँग्रेसबाट कास्कीमा खड्का प्रदेशसभा सांसद, अरु को को परे पढ्नुस्

Avatar राष्ट्र न्यूज सम्वाददाता
पौष १५, २०७४
26112313_10204320303565872_2724375678080384720_n

पोखरा, १५ पुस। नेपाली काँग्रेसले प्रदेशसभाको लागि समानुपातिक तर्फ कास्कीबाट कुमार खड्कालाई सांसद बनाएको छ।

प्रदेश नं ४ बाट समानुपातिकतर्फ खड्का सहित नौ जनाले सांसद बन्ने मौका पाएका छन्। उनी काँग्रेसका आमन्त्रित केन्द्रीय सदस्य पनि हुन्।खड्का पूर्वमन्त्री पनि हुन्। उनी पोखरा लेखनाथ महानगरपालिका वडा नं १६ का बासिन्दा हुन्।

काँग्रेसले उनी सहित ७२ जाना सांसद बनाउनेको नाम निर्वाचन आयोगलाई पठाएको छ। निर्वाचन आयोगमा दिउँसो नै पार्टीको तर्फबाट पत्र दर्ता भएको थियो। नाम भने राती मात्र पार्टीले बुझाउन सकेको हो।

नेपाली काँग्रेसको कार्यसम्पादन समितिकोे वैठकले नामहरुको टुङगो लगाएको हो। प्रदेश १ देखि ७ सम्मबाट काँग्रेसले ७२ जनाको नाम निर्वाचन आयोगलाई पठाएको हो।

जसअनुसार प्रदेश नम्वर १ बाट १३ जना, २ बाट ११ जना, ३ बाट १४ जना, ४ बाट ९ जना , ५ बाट १२ जना, ६ बाट ५ जना र ७ बाट ८ जनाको नाम निर्वाचन आयोगमा काँग्रेसले पठाएको हो। ७२ जनामा ३५ जना महिलालाई काँग्रेसले प्रदेशमा पठाएको छ।

नाम टुङगो लगाउन नेताहरुबीच लामो छलफल र परामर्श भएको थियो। यसअघी निर्वाचन आयोगलाई पठाएका नामावलीको प्राथमिकताको क्रममा नेताहरुको गम्भिर छलफल भएको थियो।

लामो छलफल पछि निर्वाचन आयोगले तोकेको अन्तिम म्यादमा काँग्रेसले आफ्नो नाम पठाउन सकेको हो। अरु दलले बिहिवार र शुक्रवार दिउँसो नाम पठाएका थिए।

शुक्रवार आयोगलाई नाम बुझाएपछि आयोगले यसअघी पठाएको प्राथमिकताको क्रमसँग जुधाएर हेर्नेछ।

त्यसपछि मात्र ३ दिनपछि नाम आयोगले सार्वजनिक गर्नेछ। आयोगले नाम सार्वजनिक गरेपछि मात्र समानुपातिक सांसदको नाममा टुङगो लाग्नेछ। यस ३ दिनभित्र दलहरुले नाम मिलाउन समेत सक्नेछन्।

प्रदेश १
प्रतापप्रकाश हाङमाङ
विद्यानन्द चौधरी
चन्द्रप्रसाद श्रेष्ठ
लिला सुब्बा
ज्योति सुब्बा
शरदचन्द्र थापा
लोकप्रसाद संग्रौला
सीतादेवी पौडेल
विन्दिया कार्की

प्रदेश नम्बर २
शिवचन्द्र चौधरी
ओमप्रकाश शर्मा
सरस्वती चौधरी
गीताकुमारी यादव
मन्जुकुमारी यादव
असियादेवी थरुनी
प्रमिलादेवी दास
श्यामपरी देवी
नरेशकुमार यादव
शेखररसिद अली
सल्मा खातुन

प्रदेश नम्बर ३
मिलन श्रेष्ठ
राजेन्द्र गुरुङ
न्हुच्छेनारायण श्रेष्ठ
शान्तबहादुर प्रजा
राधा घले
जीवन डंगोल
विजया श्रेष्ठ
रजनी जोन्छे
राजाराम कार्की
बलराम पौडेल
भीमसेन खत्री
गीता वाग्ले
बिजुला बर्मा
कल्पना नेपाली

प्रदेश ४
मेखलाल श्रेष्ठ
ललितकला गुरुङ
सरिता गुरुङ
मनकुमारी गुरुङ
मणिभद्र शर्मा कँडेल
ओमकला गौतम
कुमार खड्का
दोबाटे विश्वकर्मा
कोपिला बोहरा

प्रदेश ५
बलदेव शर्मा पोखरेल
निर्मला क्षेत्री
रमा अर्याल
वीरबहादुर राना
भुवनेश्वर चौधरी
पुष्पा थरुनी
माला गोतामे सुनार
रुन्धावती दुवे
अर्जुनकुमार श्रेष्ठ
रिना विक
सूर्यमति उपाध्याय
मो. याकुल अन्सारी

प्रदेश ६
यज्ञबहादुर बिसी
हिमबहादुर शाही
अमृता शाही
दिनबन्धु श्रेष्ठ
झोवा विक

प्रदेश ७
गोविन्द बोहोरा
देवराज पाठक
दिव्यश्वरी शाह
अम्बिकुमारी थापा
उमा वादी
श्यामला राना
कुमारीनन्द बम
टेकबहादुर रैका

Related News

सम्बन्धित समाचार