खुशीको खबर, ३९० जना अधिकृत चाहियो

Avatar राष्ट्र न्यूज सम्वाददाता
मंसिर २७, २०७४
lok-sewa-aayog
काठमाडौं,२७ मंसिर । लोकसेवा आयोगले राजपत्रांकित तृतीय श्रेणी अप्राविधिक (खुला एवम् समावेशी) शाखा अधिकृतको विभिन्न सेवाका लागि दरखास्त अह्वान गरेको छ ।
आयोगले बुधबार सूचना प्रकाशित गर्दै खुला तथा समावेशी गरेर जम्मा ३९० पदको लागि दरखास्त खुला गरेको हो ।

व्यवस्थापिका न्याय, परराष्ट्र, प्रशासन र लेखा परीक्षण सेवाको लागि दरखास्त आहृवान गरेकामा खुला तर्फ २०६ पद र महिलाका ५९ पदमा दरखास्त खुला गरेको छ ।

समावेशीतर्फ आदिवासी-जनजाति, मधेसी, दलित, अपाङ्ग र पिछडिएको क्षेत्रको लागि पनि पद सिर्जना गरेको आयोगले आदिवासी-जनजाति मधेसी, दलित, अपाङ्ग र पिछडिएको क्षेत्रको लागि विभिन्न कोटा तोकेको छ ।

आयोगले ४ चरणको परिक्षापछि अन्तिम नामावली प्रकाशित गर्ने व्यवस्था गरेको छ । आयोगका अनुसार लिखित, सूचना प्रविधि सीप परीक्षण, सामूहिक परीक्षण र अन्तर्वार्ता पछि अन्तिम नामावली प्रकाशित हुनेछ अनलाइनबाटै दरखास्त फारम भर्न सकिने छ । दरखास्त आगामी पुस १८ गतेसम्म दिन पाइने छ । दोब्बर दस्तुरमा पुस २५ गतेसम्म पनि दरखास्त दिन सकिनेछ ।

दरखास्तवालाले आन्तिरक प्रतियोगिता र खुलाको लागि १ हजार रुपैयाँ, प्रत्येक समावेशी समूहको लागि थप ४ सय तथा न्याय र परराष्ट्र सेवाको थप पत्रको लागि छुट्टा-छुट्टै ४ सय रुपैयाँ बुझाउनु पर्नेछ ।

आयोगले दरखास्तको लागि बुझाइने रकम आयोगको केन्द्रीय कार्यालय तथा काठमाडौं उपत्यकाका संकलन केन्द्र, क्षेत्रीय निर्देशनालयहरु र अञ्चल कार्यालयहरु र आयोगको कार्यालय भएका जिल्ला बाहेकका जिल्ला हुलाक कार्यालयहरुमा गएर समेत जम्मा गर्न सकिने छ ।

Related News

सम्बन्धित समाचार

  • लागूआौषधसहित युवक पक्राउ

    Avatar राष्ट्र न्यूज सम्वाददाता फागुन २२, २०७७
    पोखरा,२२ फागुन । प्रहरीले लागूआौषधसहित एक युवकलाई पक्राउ गरेको छ । पर्वत कुश्मा नगरपालिका वडा ३ बडागाँउ बस्ने २२ वर्षीय…
  • ७५ औ स्थापना दिवसमा ट्रेड युनियन काँग्रेस मानव सेवा आश्रममा

    Avatar राष्ट्र न्यूज सम्वाददाता फागुन २१, २०७७
    पोखरा, २१ फागुन । नेपाल ट्रेड युनियन काँग्रेसले शुक्रबार ७५ औं स्थापना दिवस मनाएको छ । ट्रेड युनियनका जिल्ला शाखाले…
  • घाँस काट्ने क्रममा गैंडाको आक्रमण, विकको मृत्यु

    Avatar राष्ट्र न्यूज सम्वाददाता फागुन २०, २०७७
    पोखरा, २० फागनु । गैंडाको आक्रमणबाट एक महिलाको मृत्यु भएको छ । गैडाको आक्रमणबाट नवलपरासी (पूर्व) मध्यविन्दु नगरपालिका–१२ नयाँबेलाहानीकी ४४…
  • बढ्दै सम्बन्धविच्छेद

    Avatar रासस फागुन २०, २०७७
    गलकोट, २० फागुन (रासस) । बागलुङ जिल्लामा बर्सेनि सम्बन्धविच्छेदका घटना बढ्दै गएको छ । जिल्ला अदालत बागलुङमा परेका मुद्दा र…
  • भोकै छन् राउटे

    Avatar रासस फागुन १९, २०७७
    कर्णाली, १९ फागुन (रासस)। कर्णाली प्रदेश सरकारका मुख्यमन्त्री महेन्द्रबहादुर शाहीलाई राउटे अगुवा दिलबहादुर शाहीले भेटेका छन् । आफ्ना जनताका लागि…