बदला लिए किसानले, पौडेलेको राजनीति बारे सर्वत्र चासो

Avatar राष्ट्र न्यूज सम्वाददाता
मंसिर २४, २०७४
Untitled-2 copy

पोखरा। यसपटकको निर्वाचनमा नेपाली काँग्रेसले प्राप्त गरिरहेको परिणाम निराशाजन रहेको छ। काँग्रेसका थोरै उम्मेदवारले मात्र जित हासिल गर्न सकेका छन्।

काँग्रेसभित्रका स्थापित र लोकप्रिय नेताहरुले समेत पराजय भोग्नुपरेको अवस्था छ। बामगठबन्धको प्रभावका कारण काँग्रेसले अकल्पनिय परिणाम प्राप्त गरेको छ।

पराजय भोग्ने क्रममा यसपटक नेपाली कांग्रेसका वरिष्ठ नेता रामचन्द्र पौडेल समेत परेका छन्। काँग्रेसभित्र इमान्दार नेताका रुपमा स्थापित पौडेल आफ्नैभित्रको असतुष्ठी र बामगठबन्धनको शिकार बने। तनहुँ क्षेत्र नम्बर १ बाट प्रतिनिधिसभा सदस्य उम्मेदवार रहेका उनलाई बामगठबन्धनका एमाले उम्मेदवार किसानकुमार श्रेष्ठ पराजित गरे।

पौडेललाई एमाले नेता किसानले ६ हजार ४१४ मतान्तरले पराजित गरेका हुन्।विजयी श्रेष्ठले ३४ हजार ४८९ मत ल्याए। पराजित पौडेलले २७ हजार ६७५ मत मात्र पाए।

यसअघि २०७० सालमा भएको संविधानसभा निर्वाचनमा पनि पौडेल र किसान श्रेष्ठबीच प्रतिस्पर्धा भएको थियो। त्यतिबेला पौडेल ४५ सय मतले विजयी भएका थिए। पौडेल पार्टीको तेहै महाधिवेशनमा सभापतिमा पराजित बनेका थिए।

डेढ दर्जन पटक प्रधानमन्त्रीको निर्वाचनमा असफल भई थलिएका पौडेल यसपटकको निर्वाचनमा समेत पराजित बनेपछि उनको अबको राजनीति कसरी अघि बढ्ला सवैको चासो बढेको छ।

Related News

सम्बन्धित समाचार

Trending