आइसिसी विश्व क्रिकेट लिग च्याम्पियनसिपको अन्तिम खेलमा नेपाल पराजित भएको छ । यूएईसँगको आज भएको अन्तिम खेलमा नेपाल ६३ रनले पराजित भएको हो ।
नेपालले टस जितेर पहिले बलिङ गर्ने निर्णय गरेपछि पहिले ब्याटिङ गरेको युएईले ४९.२ ओभरमा आफ्ना सबै विकेट गुमाउदै १ सय ९५ रनमा बनाएको थियो ।
१ सय ९६ रनको लक्षको साथ मैदानमा उत्रेको नेपालले ४२.२ ओभरमा सबै विकेट गुमाएर १ सय ३२ रन मात्र बनाउन सक्यो । नेपालका व्याट्म्यानहरु चल्न नसक्दा नेपाल पराजित हुन पुग्यो । नेपालका लागि सर्वाधिक ४२ रन बनाए भने बिनोद भन्डारीले २५ रन बनाए । सागर पुनले २१ रन बनाए भने आरिफ शेखले १४, सरद भेषावकरले १३ रन बनाए । यस्तै कप्तान पारस खड्का १० रनमै समेटिए तथा दिलिप नाथ, वसन्त रेग्मी, सन्दिप लामिछाने र सोमपाल कामी खातै नखोली पभेलियन फर्केका थिए ।
युएईलाई सस्तैमा समेट्न सोमपाल कामीले ५ विकेट लिएका थिए । सोमपालले १० ओभरमा केवल २७ रन दिएका थिए । त्यस्तै ललित भण्डारी, पारस खड्का, सागर पुन र सन्दिप लामिछानले समान एकएक विकेट लिएका थिए
यसअघि पनि बुधबार भएको पहिलो खेलमा नेपाल यूएई सँग ७ विकेटले पराजित भएको थियो । डब्लुसिएलको अन्तिम चरणअघि शीर्ष ४ मा पर्न सम्भव नभएपछि नेपाल र युएई दुवै डिभिजन–२ मा झरिसकेका छन्। अन्तिम चरणलाई दुवै टिमले डिभिजन–२ को तयारीका रुपमा लिएर मैदानमा उत्रेका थिए ।
यस हारसँगै २ वर्षसम्म आठ देश सहभागि भएको च्याम्पियनसिपमा नेपाल ७ औँ स्थानमा रहेको छ भने नामेविया अन्तिम स्थामा रहेको छ । नेदरल्याण्ड पहिलो स्थानमा रहेर विश्वकपका छनोट चरणका खेलहरुमा छनोट भएको छ भने स्कटल्याण्ड दोस्रो भएको छ । साथै हङकङ तेस्रो, पपुवा न्यूगानी चौथो, केन्या पाँचौ र यूएई सातौँ स्थानमा रहेका छन् ।
डिभिजन–२ प्रतियोगिता आगामी फेब्रुअरीमा नामिबियामा हुनेछ। डिभिजन–२ मा ६ टिमबीच प्रतिस्पर्धा हुनेछ। डिभिजन–२ मा नेपाल, युएई, नामिबिया, केन्या, क्यानडा र ओमानले खेल्नेछन्। डिभिजन–२ मा शीर्ष २ टिम विश्वकप छनोट प्रतियोगिताका लागि छनोट हुने प्रावधान रहेको छ ।
Related News
सम्बन्धित समाचार
हिसान गण्डकी फुटसल कास्की छनौटमा गुरुकुल विद्यासदन च्याम्पियन
तेस्रो माछापुच्छे गाँउपालिका अध्यक्ष कप फागुन दोस्रो साता देखि
टाइगर कपको पहिलो खेल भोलि बिहान १० बजेबाट सुरु हुने, इसेवाबाट टिकट काट्न सकिने
टाइगर कप भलिबलः आयोजक टोलीबाट खेल्न ३ विदेशी खेलाडी पोखरा आइपुगे
पाँचौ टाइगर कप भलिबलसँग जोडियो एनसेल